عِزرا 3:7 - کیتاب مقدّس به گیلکی (رشتی)

⁷ بأزین اوشأن، هوطو کی کوروش، پارسٚ پادشا جأ ایجازه بیگیفته‌بید، سنگتراشأن و نجارأنَ سکه فأدَه‌ییدی و صیدون و صورٚ مردومأنَ خوراک و نوشیدنی و روغن فأدَه‌ییدی تا اوشأن، لبنانٚ جأ سروٚ چوبَ دریا رأ جأ یافایَ بأورید.

عِزرا 3:7 ပူးပေါင်းရင်းမြစ်များ

عِزرا 3:6

اوّلی روز جٚه هفتمی ماه، با اَنکی هنوز خوداوندٚ معبدٚ پاکار چأکوده نوبوسته‌بو، شروع بوکودید سوجأنئنی قوربانی‌یأنَ پیش‌کش کودن.

یونس 1:3

ولی یونس ویریشته و بخوأسته خوداوندٚ حوضورٚ جأ، به سرزیمینٚ ترشیش کی ایطرفٚ دیگر بو، فرار بوکونه. هَنٚ وأسی، به بندرٚ یافا بوشو و اویه ایتأ کشتی‌یَ بیده کی شویی تَرشیش. خو کرایه‌یَ فدَه و سوارَ بوسته تا ملوانأنٚ اَمرأ بشه تَرشیش و اَطویی خوداوندٚ جأ فرار بوکونه.

اعمالٚ رسولأن 12:20

هیرودیس مردومٚ صور و صیدونٚ کینه‌یَ به دیل دأشتی. هَنٚ وأسی مردومأنٚ او دوتأ شهر همدیلی اَمرأ بوشوییدی هیرودیسٚ پیشکارٚ ورجأ کی «بْلاستوس» نام دأشتی. اونَ خوشأنٚ اَمرأ همرأه بوکودیدی کی پادشا اَمرأ آشتی بوکونید، چونکی اَ شهرأنٚ آذوقه هیرودیسٚ سرزیمینٚ جأ فراهمَ بوستی.

اعمالٚ رسولأن 9:36

یافا دورون، ایمانداری زندگی کودی کی طابیتا نام دأشتی، کی اونٚ ایسمٚ معنی «غزال» بو. اَ زن خودشَ وقفٚ کارأنٚ خُب بوکوده‌بو و فقیرأنَ کومک کودی.

اعمالٚ رسولأن 9:38

لُدَّه، یافا نزدیکی نهَه‌بو. هَنٚ وأسی وختی اویه ایماندارأن بیشتأوستیدی کی پطرس لُدَّه میأن ایسه، دو نفرَ اوسه کودیدی اونٚ دونبأل و اونٚ جأ خوأهش بوکودیدی کی «فوری ویریز، بیأ اَمی ورجأ.»

اعمالٚ رسولأن 9:43

پطرس چند روزی یافا میأن شمعونٚ ورجأ کی ایماندار بو و اونٚ کار دَبّاغی بو، بِیسه.