عِزرا 1:6 - کیتاب مقدّس به گیلکی (رشتی)

⁶ تومامٚ اوشأنٚ همساده‌یأن، نقره و زر و مال و منال و چارپایأن و گیرانٚ چیزأن فأدنٚ اَمرأ اوشأنَ کومک بوکودیدی و هَطویم خوشأنٚ میلٚ اَمرأ پیش‌کشی‌یأنم فأدَه‌ییدی.

عِزرا 1:6 ပူးပေါင်းရင်းမြစ်များ

عِزرا 1:4

تومامٚ اوشأنی کی بِئسَه‌ییدی، هر جایی کی زندگی کونیدی، او سرزیمینٚ مردومأن وأستی اوشأنَ نقره و زر و مال و منال و چارپایأن فأدید و خوشأنٚ میلٚ اَمرأیم معبد رِه کی اورشلیمٚ میأن چأکوده به، پیش‌کشی‌یأنی‌یم تقدیم بوکونید.»

عِزرا 8:33

و چارمی روز، اَمی خودا معبدٚ دورون نقره و طلا و ظرفأنَ وزن بوکودیم و مِرِموتٚ دس کی اوریای کاهن زأی بو، فأدَه‌ییم. اِلعازار، فینِحاسٚ زأی، اونٚ اَمرأ بو و یوزاباد، یِشوعَ زأی و نوعَدیا، بِنّوی زأی کی لاویأنٚ جأ بید، اویه ایسَه‌بید.

خروج 12:35

بنی‌ایسرائیل هوطویی کی موسی بوگفته‌بو، مصریأنٚ جأ نقره و طلا اسبابأن و رخت و لیباس بخوأستیدی.

خروج 12:36

خوداوند کاری بوکوده کی مصری‌یأن بنی‌ایسرائیلَ لطفٚ اَمرأ نیگاه بوکودید و هرچی کی بنی‌ایسرائیل بخوأستیدی اوشأنَ فدَه‌ییدی. پس اَطویی بنی‌ایسرائیل مصری‌یأنَ غارت بوکودیدی.