عِزرا 1:1 - کیتاب مقدّس به گیلکی (رشتی)

¹ کوروش، پارسٚ پادشا اوّلی سالٚ سلطنتٚ میأن، اَنٚ وأسی کی خوداوندٚ کلام کی اِرمیا زوانٚ اَمرأ بوگفته بوبوسته‌بو، به انجام فأرسه، خوداوند، کوروش، پارسٚ پادشا روحَ لمس بوکوده و اونم ایتأ دستور، خو تومامٚ سرزیمینأنَ اوسه کوده کی اَطویی اونٚ دورون بینیویشته بو:

عِزرا 1:1 ပူးပေါင်းရင်းမြစ်များ

عِزرا 1:5

یهودا و بنیامینٚ خاندأنأنٚ پیله کسأن و کاهنأن و لاویأن، ینی تومامٚ کسایی کی خودا اوشأنٚ روحَ لمس بوکوده‌بو، ویریشتیدی کی بیشید اورشلیم و معبدَ اویه چأکونید.

عِزرا 4:3

ولی زروبابِل و یِشوعَ و الباقی خاندأنأنٚ پیله کسأن اوشأنَ بوگفتیدی: «اَمأن معبدٚ چأکودنٚ وأسی شیمی اَمرأ کاری نأریمی. بلکی اَمأن خودمأن تنها تنها، اونَ یهوه، ایسرائیلٚ خودا رِه چأکونیمی، هوطو کی کوروش، پارسٚ پادشا اَمرَ فرمان بدَه.»

عِزرا 6:14

و یوهودٚ پیله کسأن دوواره معبدٚ چأکودنَ ایدامه بدَه‌یید و او پیشگویی‌یأنٚ وأسی کی حَجَّی نبی و زکریا، عِدّو زأی، بوکوده‌بید، خوشأنٚ خوأسته‌یَ فأرسه‌ییدی. بأزین ایسرائیلٚ خودا فرمان و کوروش و داریوش و اردشیر، پارس پادشایأنٚ دستورأنٚ اَمرأ معبد چأکودنَ تومامَ کودیدی.

عِزرا 6:22

اوشأن عیدٚ نانٚ فطیرَ هفت روز ذوق و شوقٚ اَمرأ جشن بیگیفتید، چره کی خوداوند اوشأنٚ دیلَ شادَ کوده‌بو و هَطویم آشورٚ پادشا دیلَ نرمَ کوده‌بو تا اوشأنٚ دسَ، ایسرائیلٚ خودا معبدٚ چأکودنٚ وأسی بیگیره.

عِزرا 6:3

«کوروشٚ پادشا خو سلطنتٚ اوّلی سال، ایتأ دستور اَ متنٚ اَمرأ اورشلیمٚ معبدٚ وأسی صادر بوکوده: «او معبد، قوربانی‌یأنٚ پیش‌کش کودنٚ وأسی دوواره چأکوده ببه و اونٚ پاکارم بکنید کی معبدٚ درازا و پهنا شصت ذراع ببه.

عِزرا 7:27

موتبارک ببه یهوه، اَمی پئرأنٚ خودا، کی اَنَ پادشا دیلٚ دورون بنَه کی خوداوندٚ معبدَ کی اورشلیمٚ میأن نهَه، چأکون وأکون بوکونه

دانیال 1:21

و دانیال تا اوّلی سالٚ کوروشٚ کبیرٚ شاهنشاهی، دربارٚ دورون خدمت کودی.

دانیال 2:1

نبوکدنصر، خو دوّمی سالٚ سلطنتٚ دورونی، ایتأ خواب بیده کی اونٚ روح و روان، پریشأنَ بوسته و دِه نتأنسته بوخوسه.

دانیال 6:25

بأزین داریوشٚ پادشا به تومامٚ میلتأن و قومأن و زبانأنی کی تومامی زیمینٚ دورون زندگی کودید اَطویی بینیویشته: «سلامتی‌یٚ فراوان بر شومأن!

دانیال 9:2

من، دانیال، خودا کلامَ کی اِرمیایٚ نبی‌یَ الهام بوبوسته‌بو، بخوأندم و بفهمستم کی اورشلیم وأ هفتاد سال ویران بمأنه.

یوحنا 1:23

یحیی طبقٚ اونچی کی اِشعیای نبی بیان بوکوده‌بو، بوگفته: «من او صدایٚ نداکوننده در بیابانم کی گه: ‹خوداوندٚ رایَ هموارَ کونید!›»