خروج 8:3 - کیتاب مقدّس به گیلکی (رشتی)

³ تومامٚ نیلٚ روخان گوزگأ جأ پورَ به و گوزگأیأن آبٚ جأ بیرون اَییدی شیدی تی قصرٚ میأن، تی اوطاقٚ خوابٚ میأن، تی تختخوابٚ میأن، تی خدمتگوزارأنٚ خانه میأن، تی قومٚ خانه میأن، نانوایی تنورٚ میأن و خمیرٚ تغارٚ میأن.

خروج 8:3 ပူးပေါင်းရင်းမြစ်များ

خروج 10:6

ملخأن، تی خانه‌یأن و تی خدمتگوزارأن و تومامٚ مصریأنٚ خانه‌یأنَ پورَ کونیدی، کی شیمی پئرأن و شیمی آبا و اجدادم جٚه وختی مصرٚ سرزیمینٚ دورون زندگی بوکودید تا هسأ اَطوچی نیده‌یید.›» بأزین موسی وأگردسته و جٚه فرعونٚ ورجأ بوشو.

خروج 12:34

پس بنی‌ایسرائیل خوشأنٚ نانٚ خمیرأنَ کی هنوز تورشٚ خمیر نزه‌بید اوسأدیدی، دوکودیدی پیله تیأنٚ میأن و خوشأنٚ لیباسأنٚ دورون، بخچه بوکودیدی، بوکولَ گیفتید و ببردیدی.

خروج 7:11

ولی فرعون خو حکیمأن و جادوگرأنَ دوخوأده، او مصری‌یأنم خوشأنٚ جادو جنبلٚ اَمرأ هو کارَ بوکودی.

خروج 8:11

گوزگأیأن، تو و تی خانه‌یأن و تی خدمتگوزارأن و تی قومٚ جأ دور بیدی و فقط نیلٚ میأن ایسیدی.»

خروج 8:2

اگه تو قوبیل نوکونی کی اوشأنَ آزادَ کونی، تومامٚ تی سرزیمینَ گوزگأ اَمرأ پورَ کونم.

خروج 8:4

اوشأن، تو و تی قوم و تی خدمتگوزارأنٚ سر و کله جأ وأچُکیدی.›» اوشأن ترَ و تی قوم و همه‌تأنٚ تی خدمتگوزارأنٚ سر و کله جأ نیشینیدی.