خروج 7:3 - کیتاب مقدّس به گیلکی (رشتی)

³ ولی من فرعونٚ دیلَ سختَ کونم، و با اَنکی نیشأنه‌یأن و معجزه‌یأنٚ زیادی سرزیمینٚ مصرٚ میأن آشکارَ کونم،

خروج 7:3 ပူးပေါင်းရင်းမြစ်များ

خروج 11:10

موسی و هارون فرعونٚ چومٚ جُلُو تومامٚ اَ معجزه‌یأنَ آشکارَ کودیدی ولی خوداوند فرعونٚ دیلَ سختَ کوده و فرعون ونأشته کی بنی‌ایسرائیل اونٚ سرزیمینٚ جأ بیشید.

خروج 11:9

خوداوند موسایَ بوگفته‌بو: «فرعون شیمی گبأنَ گوش نوکونه کی می معجزه‌یأن مصرٚ سرزیمینٚ میأن ویشتر انجام ببه.»

خروج 14:4

من فرعونٚ دیلٚ سختَ کونم و اون اوشأنٚ دونبألسر دکفه. بأزین من فرعون و اونٚ تومامٚ لشکریأنٚ میأن می قودرت و جلالَ نمایانَ کونم کی مصری‌یأن بدأنید، من خوداوند ایسم.» پس بنی‌ایسرائیل هو کارَ انجام بدَه‌یید.

خروج 3:20

هَنٚ وأسی می دسَ راستَ کونم و می تومامٚ معجزه‌یأنٚ اَمرأ کی اوشأنٚ میأن انجام دهم، مصرَ زنم و بأزین وئله کی بیشید.

خروج 4:21

خوداوند موسایَ بوگفته: «هسأ کی وأگردستی مصر، بیاد بأور کی وأ معجزه‌یأنی کی تی دس بیسپردم فرعونٚ ورجأ آشکارَ کونی ولی من اونٚ دیلٚ سختَ کونم کی قومَ آزادَ نوکونه.

خروج 4:29

موسی و هارون بوشوییدی و بنی‌ایسرائیلٚ تومامٚ پیله کسأنَ دوخوأدیدی

خروج 4:7

خوداوند بوگفته: «هسأ تی دسَ دوواره ببر تی ابا دورون.» موسی هو کارَ بوکوده و وختی بیرون بأورده، اونٚ تومامٚ جانٚ مأنستن سالمَ بوسته‌بو.

خروج 7:13

فرعونٚ دیل سختَ بوسته و اوشأنٚ گبأنَ گوش ندَه، هوطو کی خوداوند بوگفته‌بو.

خروج 9:16

ولی هَنٚ وأسی ترَ زنده وهأشتم کی می قودرتَ ترَ نیشأن بدم و می نام تومامٚ دونیا دورون اعلام ببه.

یوحنا 4:48

عیسی اونَ بوگفته: «تا معجزات و چیزأنٚ عجیب نیدینید، ایمأن نأوریدی!»

اعمالٚ رسولأن 2:22

«اَی قومٚ ایسرائیل، اَنَ بیشنَوید: هوطو کی خودتأن دأنیدی، عیسایٚ ناصری مردی بو کی خودا، خو معجزات و عجایب و نیشأنه‌یأنٚ اَمرأ کی اونٚ دسٚ جأ شمرَ آشکارَ کوده، ثابت بوکوده کی عیسی مأموریت جٚه اونٚ طرفٚ بو.

اعمالٚ رسولأن 7:36

هَه موسی بو کی نیشأنه‌یأن و معجزه‌یأنٚ اَمرأ اَمی قومَ جٚه مصر بیرون بأورده و جٚه رایٚ دریایٚ سورخ ردَ کوده و چهل سالم اوشأنَ بیابانٚ دورون هیدایت بوکوده.