خروج 5:3 - کیتاب مقدّس به گیلکی (رشتی)

³ موسی و هارون بوگفتیدی: «عبرانیأنٚ خودا اَمی اَمرأ مولاقات بوکوده. هسأ وهل سه روز بیابانٚ دورون سفر بوکونیم و اویه یهوه، اَمی خودا رِه قوربانی بوکونیم کی نوکونه اَمرَ بلا یا شمشیرٚ اَمرأ بزنه.»

خروج 5:3 ပူးပေါင်းရင်းမြစ်များ

عِزرا 7:23

هرچی کی خودایٚ آسمان فرمان بدَه، دیقتٚ اَمرأ هو خودا معبدٚ رِه انجام ببه، نوکونه خودا غیظ، پادشا سرزیمین و اونٚ پسرأنٚ سر بأیه.

خروج 3:18

اوشأن تی گبأنَ گوش دیهیدی. بأزین تو و قومٚ پیله کسأن بیشید مصرٚ پادشا ورجأ بیگید: ‹یهوه، عبرانیأنٚ خودا اَمی اَمرأ مولاقات بوکوده. هسأ ایجازه بدن سه روز بیابانٚ دورون سفر بوکونیم کی اویه یهوه، اَمی خودا رِه قوربانی بوکونیم.›

خروج 7:16

فرعونَ بوگو: ‹یهوه، عبرانیأنٚ خودا، مرَ اوسه کوده تی ورجأ و بوگفته: ”می قومَ آزادَ کون کی بیشید بیابانٚ میأن مرَ عیبادت بوکونید.“ تا هسأ اونٚ گبأنَ گوش نوکودی.

خروج 8:1

بأزین خوداوند موسایَ بوگفته: «بوشو فرعونٚ ورجأ اونَ بوگو کی خوداوند بوگفته: ‹می قومَ آزادَ کون کی بیشید مرَ عیبادت بوکونید.

خروج 8:20

بأزین خوداوند موسایَ بوگفته: «فردا خروس خوأنٚ موقع، ویریز بوشو فرعونٚ ورجأ. وختی دینی کی شوئون دره روخانٚ طرف، اونٚ جُلُو بپا بِیس و بوگو: ‹خوداوند بوگفته: ”می قومَ آزادَ کون کی بیشید مرَ عیبادت بوکونید.

خروج 8:27

اَمأن وأ بیابانٚ میأن سه روز سفر بوکونیم و اویه یهوه، اَمی خودا رِه قوربانی بوکونیم، هوطویی کی اَمرَ گه.»