خروج 3:9 - کیتاب مقدّس به گیلکی (رشتی)

⁹ بنی‌ایسرائیلٚ ناله و شکایت می گوش فأرسه و هَطویم بیدم کی مصری‌یأن اوشأنَ ظلم کونیدی.

خروج 3:9 ပူးပေါင်းရင်းမြစ်များ

پیدایش 16:11

بَزین خوداوندٚ فرشته اونَ بوگفته: «هسه تو کی شکم دأری و ایتأ پسر به دونیا اَوری؛ اونٚ نامَ ‹ایسماعیل› بَنه چونکی خوداوند تی درد و رنجٚ جَا وأخبرَ بوسته.

مزامیر 12:5

خوداوند فرمأیه: «فقیرأنٚ مال و منال غارت بوستنٚ وأسی و ستم کشٚ آدمأن آه و ناله رِه هسأ ویریزم، و اَشأنٚ رِه او رفاه و امنیتی‌یَ کی ناجه دأریدی، فأدم.»

مزامیر 9:14

کی تومامی تی عجایبٚ کارأنَ صهیونٚ شهرٚ دروازه‌یأنٚ جأ اعلام کونم و تی نجاتٚ وأسی شادی کونم.

خروج 1:11

پس مصری‌یأن، بنی‌ایسرائیلٚ سرٚ جور سرکارگرأنی بدأشتیدی کی اوشأنَ زور بیگید، کی مجبور بیبید اوشأنٚ رِه کار بوکونید و بنی‌ایسرائیل، فرعونٚ رِه فیتوم و رَمِسیسٚ شهرأنَ بسأختیدی کی جایٚ انبار و تدارکات ببه.

خروج 1:22

پس فرعون تومامٚ مصری‌یأنَ فرمان بدَه: «هر عبرانی پسری کی بدونیا اَیه، نیلٚ روخانٚ دورون تأودید ولی دُخترأنَ زنده وئلید!»

خروج 1:8

بأزین ایتأ پادشایٚ دیگر مصرٚ حاکم بوبوسته کی یوسفَ نشنأختی.

خروج 2:23

چند سال بعد، مصرٚ پادشا بمرده. بنی‌ایسرائیل خوشأنٚ بردگی وأسی ناله مره ایجگره زه‌ییدی و اوشأنٚ عزیز نالی اسیری وأسی خودا گوش فأرسه.

خروج 2:25

خودا بنی‌ایسرائیلَ فندرسته و اوشأنٚ حالَ بفهمسته.

خروج 3:7

خوداوند بوگفته: «من می قومٚ فلاکتَ مصرٚ دورون بیدم و اوشأنٚ ناله و شکایتَ بیشنأوستم، کی خوشأنٚ سرکارگرأنٚ جأ دأشتیدی و اوشأنٚ دردَ خُب دأنم.