خروج 3:2 - کیتاب مقدّس به گیلکی (رشتی)

² اویه خوداوندٚ فرشته جٚه ایتأ بوته دورون آتشٚ شُواله میأن موسایَ آشکارَ بوسته. موسی بیده کی شُواله بوته دورون دکفته ولی بوته نوسوجه.

خروج 3:2 ပူးပေါင်းရင်းမြစ်များ

پیدایش 21:17

ولی خودا او پسرٚ گریه زاری‌یَ بیشنَوسته و خودا فرشته جٚه آسمان هاجرَ دوخوأده و بوگفته: «هاجر، چیسه؟ نَوأ ترسئن! خودا جٚه اویه کی او زأی ایسَه، اونٚ گریه زاری کودنَ بیشنَوسته.

پیدایش 22:11

ولی خوداوندٚ فرشته آسمانٚ جَا اونَ دوخوأده: «ایبراهیم! ایبراهیم!» اون جواب بدَه: «بله خوداوند.»

پیدایش 48:16

فرشته‌یی کی مرَ جٚه هر بدی آزادَ کوده، اَشأنَ برکت بدَه. اَطویی ببه کی اَشأن می نامَ، می جد و آباد ایبراهیم و ایسحاقٚ نامَ زنده بدأرید، جٚه اوشأن قومی فراوان زیمینٚ سر به وجود بأیه.»

خروج 19:18

دود کویَ بپوشأنه‌بو چونکی خوداوند آتشٚ میأن بمو بو کوه جور و اونٚ دود کوره دودٚ مأنستن بوجور شویی و کوهٚ همه جا به لرزه دکفته.

خروج 3:16

بوشو قومٚ پیله کسأنَ جمَ کون و اوشأنَ بوگو: ‹یهوه، شیمی اجدادٚ خودا، خودای ایبراهیم، ایسحاق و یعقوب، مرَ آشکارَ بوسته و بوگفته: ”می حواس شیمی ورجأ نهَه‌بو کی مصرٚ دورون چی شیمی سر اَمون دره

دانیال 3:27

اوستاندارأن، حاکمأن، فرماندارأن و دربارٚ مشاورأن جمَ بوستیدی و بیده‌ییدی کی چوطو او سه نفرٚ بدنَ آتش نوسوجأنه و نه اوشأنٚ ایتأ خالٚ مو بوسوخته و نه اوشأنٚ لیباسأن و حتی آتشٚ بو اوشأنَ فئنرسه.

مَرقُس 12:26

ولی در موردٚ مورده‌یأنٚ قیام کودن، مگه موسی کیتابٚ دورون نخوأندیدی کی بوته ماجرا دورون، چوطو خودا اونَ بفرمأسته: ‹منم ایبراهیمٚ خودا، ایسحاقٚ خودا و یعقوبٚ خودا›؟

لوقا 20:37

در موردٚ شیمی سؤال، موسی آشکار نیشأن بده کی قیامت وجود دأره جٚه اَ خأطر کی وختی اون تعریف کونه چوطویی خوداوند ایتأ بوته‌یٚ سوزانٚ دورون اونٚ‌ره ظاهیرَ بوسته، جٚه خوداوند بعنوانٚ ‹خودای ایبراهیم، خودایٚ ایسحاق و خودای یعقوب› نام بره.

یوحنا 1:14

کلمه، اینسانٚ خاکی بوبوسته و اَمی میأن ساکن بوبوسته و اَمأن اونٚ جلالَ بیده‌ییم، جلالی کی شایسته‌یٚ او یگانه پسری ایسه کی از طرفٚ پئر بمو، پور از فیض و راستی.