خروج 13:3 - کیتاب مقدّس به گیلکی (رشتی)

³ بأزین موسی مردومَ بوگفته: «اَ روزَ عزیز بدأرید، روزی کی مصرٚ جأ بیرون بمویید ینی هو سرزیمینی کی اونٚ دورون غولام بید. چره کی خوداوند خو پور قوّتٚ دسٚ اَمرأ شمرَ مصرٚ جأ بیرون بأورده. هیچی‌یَ تورشٚ خمیرٚ اَمرأ نوخورید.»

خروج 13:3 ပူးပေါင်းရင်းမြစ်များ

پیدایش 15:16

چار پوشتٚ بعدٚ تو، تی زأکأن وأگردید اَییدی اَیه، چونکی اَموریأنٚ شرارت هنوز به آخر فَنرسه.»

خروج 12:15

هفت روز وأ نانی بوخورید کی تورشٚ خمیر نأره. اوّلی روزم وأ خمیرمایه شیمی خانه جأ بیرون ببرید. جٚه اوّلی تا هفتمی روز هر کس نانی بوخوره کی تورشٚ خمیر دأره، وأ بنی‌ایسرائیلٚ جأ ریشه‌کن و سیوأ ببه.

خروج 12:17

عیدٚ فطیرَ حفظ بوکونید، چونکی هَه روز بو کی من شیمی لشکریأنَ مصرٚ سرزیمینٚ جأ بیرون بأوردم. اَ عید ایتأ قانون ببه کی نسل به نسل تا همیشه بر قرار ببه.

خروج 12:19

هفت روز شیمی خانه میأن تورشٚ خمیر نوأ پیدا ببه. هر کی چیزی بوخوره کی اونٚ دورون تورشٚ خمیر بدأره، وأ ایسرائیلٚ جماعتٚ جأ سیوأ ببه، چی هویه شین ببه، چی غریبه.

خروج 12:2

«هَه ماه وأ شِمره شروع ببه ینی اوّلی ماهٚ شیمی سال.

خروج 12:41

روزٚ آخرٚ چهارصد و سی سال بو کی تومامٚ لشکریأنٚ خوداوند، مصرٚ سرزیمینٚ جأ بیرون بموییدی.

خروج 12:42

اَن او شبی ایسه کی وأستی خوداوندٚ رِه حفظ کودن، چره کی اوشأنَ مصرٚ جأ بیرون بأورده. بله، اَن هو شبی ایسه کی تومامٚ بنی‌ایسرائیل وأستی نسل به نسل خوداوندٚ رِه حفظ بوکونید.

خروج 12:8

گوشتَ وأ هو شب کباب بوکونید و نانی کی تورشٚ خمیر نأره و تلخٚ سبزی‌یأنٚ اَمرأ بوخورید.

خروج 13:14

اگه فردا تی زأی ترَ وَورسه: ‹اَ کارأنٚ معنی چیسه؟› بوگو: ‹خوداوند خو پور قوّتٚ دسٚ مره، اَمرَ مصرٚ جأ بیرون بأورده، هو سرزیمین کی اونٚ دورون غولام بیم.

خروج 13:9

اَن ایتأ نیشأنه مأنستن تی دسٚ سر و ایتأ یادگاری تی پیشانی سر به، کی ترَ یاد ببه خوداوندٚ شریعت وأستی تی لبٚ رو بمأنه. چره کی خوداوند خو پور قوّتٚ دسٚ اَمرأ ترَ مصرٚ جأ بیرون بأورده.

خروج 20:2

«من یهوه، تی خودا ایسم، کی ترَ مصرٚ جأ، ینی هو سرزیمینی کی شومأن اونٚ دورون غولام بید، بیرون بأوردم.

خروج 20:8

«شَبّاتٚ روزَ بیاد بدأر و اونَ موقدّس بدأر.

خروج 3:20

هَنٚ وأسی می دسَ راستَ کونم و می تومامٚ معجزه‌یأنٚ اَمرأ کی اوشأنٚ میأن انجام دهم، مصرَ زنم و بأزین وئله کی بیشید.

خروج 6:1

خوداوند موسایَ بوگفته: «هسأ دینی فرعونٚ اَمرأ چی کونم. من اونَ می پور قوّتٚ دسٚ اَمرأ وادار کونم کی اوشأنَ آزادَ کونه؛ ینی دسأنٚ پور قوّتٚ اَمرأ اوشأنَ جٚه خو سرزیمین بیرونَ کونه.»

خروج 6:6

بنی‌ایسرائیلَ بوگو: ‹من خوداوند ایسم، و شمرَ مصریأنٚ فعلگی جأ بیرون اَورم. من شمرَ، جٚه اوشأنٚ بردگی آزادَ کونم و می بوجورٚ گیفته بازو و پیله داوری‌یأنٚ مره، شمرَ نجات دهم.

خروج 6:7

اَطویی شمرَ می ورجأ اَورم کی می قوم بیبید و من شیمی خودا بم، بأزین شمرَ حألی به کی من یهوه، شیمی خودا ایسم کی شمرَ جٚه مصریأنٚ فعلگی بیرون بأوردم.

خروج 7:4

اون شیمی گبأنَ گوش نوکونه. بأزین می دسَ مصرٚ سر راستَ کونم و پیله داوری‌یأنٚ اَمرأ می لشکری‌یأن، ینی می قوم، بنی‌ایسرائیلَ جٚه اویه بیرون اَورم.

دانیال 9:15

«هسأ اَی سرور، اَمی خودا، تو تی قودرتمندٚ دسٚ اَمرأ تی قومَ، مصرٚ جأ بیرون بأوردی و تی نامَ مشهورَ کودی، هَطو کی ایمروزم دِئن دریم، ولی اَمأن گوناه بوکودیم و شرورٚ کارأن انجام بدَییم.

متّی 10:12

اگه کسی شمرَ قوبیل نوکونه و شیمی گبأنَ گوش نده، وختی کی او خانه یا شهرَ خوأییدی ترکَ کونید، شیمی پا خاکَ بتکأنید.

لوقا 22:19

بأزین نانَ اوسأده، خودایَ شوکر بوکوده و نانَ پارَه کوده، اوشأنٚ دس فدَه و بفرمأسته: «اَ نان می جانه کی شیمی وأسی تسلیم به. شومأن اَ کارٚ اَمرأ وأ مرَ یاد بأورید.»