خروج 11:3 - کیتاب مقدّس به گیلکی (رشتی)

³ خوداوند کاری بوکوده کی بنی‌ایسرائیل مصریأنٚ ورجأ محترم بوبوستیدی و مصرٚ سرزیمینٚ دورون، فرعونٚ خدمتگوزارأن و مردوم، موسایَ پیله کس دأنستیدی.

خروج 11:3 ပူးပေါင်းရင်းမြစ်များ

پیدایش 12:2

تی جَا ایتأ پیله قوم به وجود اَورم و ترَ برکت دهم. تی نامَ بزرگَ کونم و تو برکت بی.

پیدایش 39:21

ولی خوداوند یوسفٚ اَمرأ بو، اویه اونَ محبت بوکوده و یوسف زندانبانٚ ره عزیزَ بوسته.

استر 9:4

چونکی اون، پادشا کاخٚ میأنی ایتأ پیله‌دأنه مقام دأشتی و اونٚ شهرت سراسرٚ ولایتأن فأرسه‌بو و هر روزی کی گوذشتی اونٚ قودرت ویشترَ بوستی.

خروج 12:35

بنی‌ایسرائیل هوطویی کی موسی بوگفته‌بو، مصریأنٚ جأ نقره و طلا اسبابأن و رخت و لیباس بخوأستیدی.

خروج 12:36

خوداوند کاری بوکوده کی مصری‌یأن بنی‌ایسرائیلَ لطفٚ اَمرأ نیگاه بوکودید و هرچی کی بنی‌ایسرائیل بخوأستیدی اوشأنَ فدَه‌ییدی. پس اَطویی بنی‌ایسرائیل مصری‌یأنَ غارت بوکودیدی.

خروج 3:21

من کاری کونم کی مصری‌یأن شمرَ تکریم بوکونید کی وختٚ شوئونم دسخالی نیشیدی.

اعمالٚ رسولأن 7:22

موسی مصریأنٚ حکمت و دانشٚ اَمرأ پیله بوسته و اونٚ کردکارأن پیله آدمأنٚ مأنستن بو.