خروج 10:9 - کیتاب مقدّس به گیلکی (رشتی)

⁹ موسی بوگفته: «اَمأن، اَمی جوانأن و پیرأن، و پسرأن و دُخترأن و حیوانأنٚ گله‌یأنٚ اَمرأ شیمی چره کی وأسی ایتأ عید خوداوندٚ رِه بر پا بوکونیم.»

خروج 10:9 ပူးပေါင်းရင်းမြစ်များ

خروج 5:1

بأزین موسی و هارون بوشوییدی فرعونٚ ورجأ و بوگفتید: «یهوه، ایسرائیلٚ خودا اَطویی بوگفته: ‹می قومَ آزادَ کون کی بیشید بیابانٚ میأن مِره عید بیگیرید.›»

خروج 3:18

اوشأن تی گبأنَ گوش دیهیدی. بأزین تو و قومٚ پیله کسأن بیشید مصرٚ پادشا ورجأ بیگید: ‹یهوه، عبرانیأنٚ خودا اَمی اَمرأ مولاقات بوکوده. هسأ ایجازه بدن سه روز بیابانٚ دورون سفر بوکونیم کی اویه یهوه، اَمی خودا رِه قوربانی بوکونیم.›

خروج 13:6

هفت روز نانی کی تورشٚ خمیر نأره بوخور و هفتمی روز خوداوندٚ رِه ایتأ عید به.

خروج 5:3

موسی و هارون بوگفتیدی: «عبرانیأنٚ خودا اَمی اَمرأ مولاقات بوکوده. هسأ وهل سه روز بیابانٚ دورون سفر بوکونیم و اویه یهوه، اَمی خودا رِه قوربانی بوکونیم کی نوکونه اَمرَ بلا یا شمشیرٚ اَمرأ بزنه.»

پیدایش 50:8

تومامٚ یوسفٚ خانواده، اونٚ برأرأن و تومامٚ اونٚ پئرٚ فامیلأنم اوشأنٚ اَمرأ. فقط اوشأنٚ زأکأن و اوشأنٚ گله‌یأن و رمه‌یأن جوشنٚ دورون بِیسَه‌ییدی.

خروج 10:10

فرعون بوگفته: «شمرَ به خودا وأگوذار کونم، شمرَ شیمی اهل و عیالٚ اَمرأ آزادَ نوکونم کی بیشید. معلومه کی ایتأ جوفت و کلک کودَن دریدی!

خروج 10:26

اَمی حیوانأنم اَمی اَمرأ بریم؛ حتی ایتأ جٚه اوشأنٚ سُم نوأ اَیه بمأنه چره کی وأ یهوه، اَمی خودا عیبادتٚ وأسی اوشأنٚ جأ ایستفاده بوکونیم و تا اویه فَنرسیم نأنیم کی کویتأ حیوانَ وأ خوداوندٚ عیبادتٚ رِه قوربانی بوکونیم.»

خروج 12:32

و شیمی تومامٚ حیوانأنٚ گله‌یأنَ اوسأنید بیشید و مِره هم برکت طلب بوکونید.»

خروج 12:37

بنی‌ایسرائیل جٚه «رَمِسیس» کوچ بوکودید بوشوییدی «سُکّوت». شیشصد هیزارتأ پیاده مردأی بید، بدونٚ اَنکی زنأکأن و زأکأن بیشمرده بیبید.

خروج 12:38

ایتأ پیله گروه جٚه مردومأنٚ دیگر و خیلی جٚه اهلی حیوانأن و گله‌یأن اوشأنٚ اَمرأ بوشوییدی.