خروج 10:3 - کیتاب مقدّس به گیلکی (رشتی)

³ پس موسی و هارون بوشوییدی فرعونَ بوگفتیدی: «یهوه، عبرانیأنٚ خودا، بوگفته: ‹تا کِی نخوأیی می جُلُو سوجده بوکونی؟ می قومَ آزادَ کون کی بیشید مرَ عیبادت بوکونید.

خروج 10:3 ပူးပေါင်းရင်းမြစ်များ

ایوب 42:6

هَن وأسی خودمٚ جأ مرَ بد اَیه، و خاک وخولٚ دورون توبه کونم.»

خروج 10:4

وأ بدأنی اگه می قومَ ونألی کی بیشید، فردا تی سرزیمینٚ دورون ملخ اوسه کونم.

خروج 16:28

او وخت خوداوند موسایَ بوگفته: «شومأن تا کِی می احکام و دستورأنٚ جأ نافرمانی کونیدی؟

خروج 4:23

و ترَ بوگفتم کی می پسرَ آزادَ کون کی مرَ عیبادت بوکونه ولی تو ونأشتی بشه. پس منم تی اوّلی پسرَ کوشم.›»

خروج 5:1

بأزین موسی و هارون بوشوییدی فرعونٚ ورجأ و بوگفتید: «یهوه، ایسرائیلٚ خودا اَطویی بوگفته: ‹می قومَ آزادَ کون کی بیشید بیابانٚ میأن مِره عید بیگیرید.›»

خروج 9:17

هسأ دِه ترَ جٚه می قوم بوجورتر و پیله‌تر دأنی کی اوشأنَ آزاد نوکونی.

دانیال 5:22

«هسأ شومأن، اَی بِلشَصَّر کی اونٚ زأی ایسیدی، همه‌یٚ اَشأنَ دأنستیدی ولی فروتنی نوکودید.

۱پطرس 5:6

پس خودا قودرتمندٚ دسأنٚ جیر فروتن بیبید کی خوروم وختٚ رِه شمرَ سربولندَ کونه.