خروج 10:2 - کیتاب مقدّس به گیلکی (رشتی)

² کی شومأن بتأنید می سختگیر‌یَ مصریأنٚ اَمرأ و نیشأنه‌یأنی کی اوشأنٚ میأن آشکارَ کودم شیمی زأکأن و نوه و نتیجه رِه وأگویا بوکونید کی شومأن بدأنید من خوداوند ایسم.»

خروج 10:2 ပူးပေါင်းရင်းမြစ်များ

مزامیر 71:18

پس اَی خودا، مرَ می پیری موقع، وختی کی می مو سیفیدَ به، ترکَ نوکون، تا کی نسلأنی‌یَ کی بعد اَییدی جٚه تی دسأنٚ زور و قوّت و جٚه تی عظمت وأخبرَ کونم.

خروج 13:14

اگه فردا تی زأی ترَ وَورسه: ‹اَ کارأنٚ معنی چیسه؟› بوگو: ‹خوداوند خو پور قوّتٚ دسٚ مره، اَمرَ مصرٚ جأ بیرون بأورده، هو سرزیمین کی اونٚ دورون غولام بیم.

خروج 14:18

وختی من فرعون و اونٚ ارابه‌یأن و اسب سوارأنٚ اَمرأ کاری کونم کی می جلالَ نمایانَ کونم، مصری‌یأنَ حألی به کی من خوداوند ایسم.»

خروج 14:4

من فرعونٚ دیلٚ سختَ کونم و اون اوشأنٚ دونبألسر دکفه. بأزین من فرعون و اونٚ تومامٚ لشکریأنٚ میأن می قودرت و جلالَ نمایانَ کونم کی مصری‌یأن بدأنید، من خوداوند ایسم.» پس بنی‌ایسرائیل هو کارَ انجام بدَه‌یید.

خروج 7:17

پس خوداوند گه: ”کاری کونم کی بدأنی من خوداوند ایسم،“ می عصا اَمرأ کی بدس دأرم نیلٚ روخانٚ آبَ زنم و اون خون به.

خروج 7:5

پس وختی می دسَ مصرٚ سر راستَ کونم و بنی‌ایسرائیلَ جٚه اویه بیرون اَورم، مصری‌یأنَ حألی به کی من خوداوند ایسم.»

خروج 8:6

پس هارون خو دسَ مصرٚ آبأنٚ سر راستَ کوده و گوزگأیأن بیرون بمویید و مصرٚ سرزیمینَ پورَ کودید.