استر 9:1 - کیتاب مقدّس به گیلکی (رشتی)

¹ سینزدهمی روزٚ ماهٚ دوازده کی اونٚ نام «اَدار» بو، وختی کی پادشا دستور خوأستی اجرا ببه، ینی هو روزی کی یهودیأنٚ دوشمنأن امیدوار بید کی پیروزَ بید، اوضاع عوضَ بوسته و یهودیأن بر اوشأن پیروزَ بوستید.

استر 9:1 ပူးပေါင်းရင်းမြစ်များ

استر 3:13

بأزین، قاصدأن، هو نامه‌یأنَ به پادشا ولایتأن ببردید و هَه دستورٚ اَمرأ تومامٚ یهودیأن - پیرأن و جوانأن، مردأکأن و زنأکأن و زأکأن - وأستی همه‌تأن ایتأ روزٚ میأن، ینی سیزدهمی روزٚ ماهٚ دوازده، هلاک بیبید و اوشأنٚ اموال به تاراج بشه.

استر 3:7

دوازده سال خشایارشاه پادشایی جأ بوگوذشته‌بو کی ماهٚ نیسانٚ میأن کی اوّلی ماهٚ سال بو، هو وخت هر روز هامانٚ ورجأ «پور»، ینی قرعه، تأودَه‌ییدی و هَه کارَ هر ماه تا ماهٚ دوازدهم کی «اَدار» گفتیدی، ایدامه بدَه‌ییدی.

استر 8:12

قرار بو اَ کار ایتأ روزٚ میأن، ینی سینزدهمی روزٚ ماهٚ دوازده کی اونٚ نام «اَدار» بو، همه‌یٚ خشایارشاه ولایتأنٚ دورون انجام بیگیره.

استر 8:6

چوطویی من تأنم اَ عذابی کی می قومٚ سر بأیه بیدینم؟ چوطو تأنم بیدینم می فامیلأن هلاکَ بید؟»

استر 9:17

اَ ماجرا روزٚ سینزدهمٚ ماهٚ اَدار ایتفاق دکفته. بأزین روزٚ چهاردهم ایستراحت بوکودید و شادی اَمرأ جشن بیگیفتید.

مزامیر 18:40

تو کاری بوکودی کی می دوشمنأن وأگردید فرار بوکونید و اوشأنی‌یَ کی می جأ نیفرت دأریدی هلاکَ کونم.

مزامیر 30:11

تو کاری بوکودی کی بجایٚ گریه زاری، رقص بوکونم؛ می عزاداری لیباسَ می تنٚ جأ بیرون بأوردی و شادی اَمرأ مرَ بپوشأنه‌یی،

اعمالٚ رسولأن 12:11

او وخت پطرس به خودش بمو خو اَمرأ بوگفته: «هسأ دِه یقین دأرم کی خوداوند خو فرشته‌یَ اوسه کوده کی مرَ جٚه هیرودیسٚ دس و اونچی‌یَ کی قومٚ یهود اینتظار دأشتیدی، نجات بده.»