استر 8:9 - کیتاب مقدّس به گیلکی (رشتی)

⁹ هو وخت کی بیست و سوّمی روزٚ ماهٚ سوّم بو کی اونَ «سیوان» گفتیدی، پادشا کاتبأنَ دوخوأدیدی. اوشأن تومامی‌یٚ مردخایٚ دستورأنَ، ساتْراپأن، ولایتأنٚ فرماندارأن و اَمیرأنٚ صد و بیست و هفت ولایت، هندوستانٚ مرز تا جنوبٚ مصرٚ رِه بینیویشتید. اَ دس‌نیویشته‌یأن تومامٚ ولایتأنَ، اوشأنٚ خط و اوشأنٚ قومٚ زبان و هَطویی یهودیأنٚ‌ره به اوشأنٚ خط و زبان، بینیویشته بوبوسته.

استر 8:9 ပူးပေါင်းရင်းမြစ်များ

استر 1:1

اَ پیشامدأن هو زمانی ایتفاق دکفته کی خشایارشاه، صد و بیست و هفت ولایتَ حکومت کودی، کی جٚه هندوستانٚ مرز تا جنوبٚ مصر بو

استر 1:22

پادشا اَ دستورَ نامه‌یأنٚ میأنی تومامی‌یٚ ولایتأنَ، به اوشأنٚ دستخط و اوشأنٚ قومٚ زبان اوسه کوده کی مردأکأن وأ خانه میأنی رئیس بیبید.

استر 10:1

خشایارشاه خو سرزیمین و خو دریا جزایرٚ میأن مالیات فیگفتنَ بنَه.

دانیال 4:1

جٚه نبوکدنصرٚ پادشا به تومامٚ قومأن و همه‌یٚ مردومأنی کی زیمینٚ سر زندگی کونیدی و هر زبانٚ اَمرأ گب زنیدی: «سلامتی‌یٚ فراوان بر شومأن،

دانیال 6:1

داریوش صلاح بدأنسته کی صد و بیست‌تأ اوستاندارَ تومامٚ خو مملکتٚ رِه تعیین بوکونه.

دانیال 6:25

بأزین داریوشٚ پادشا به تومامٚ میلتأن و قومأن و زبانأنی کی تومامی زیمینٚ دورون زندگی کودید اَطویی بینیویشته: «سلامتی‌یٚ فراوان بر شومأن!