استر 8:8 - کیتاب مقدّس به گیلکی (رشتی)

⁸ هوطویی کی صلاح دینیدی، شومأن می اسمٚ اَمرأ ایتأ حکمٚ دیگر یهودیأنٚ‌ره بینیویسید و می انگوشترٚ اَمرأ اونَ مُهر بوکونید، چره کی دستوری کی می نامٚ اَمرأ بینیویشته ببه و می انگوشترٚ اَمرأ مُهر ببه، باطیلَ بوستنی نی‌یه.»

استر 8:8 ပူးပေါင်းရင်းမြစ်များ

استر 1:19

هَنٚ وأسی، اگه پادشا قوبیل بوکونه، دستور بده کی پارس و مادٚ قوانینٚ میأن بینیویشته ببه کی شهبانو وشتی دِه حق نأره خشایارشاه ورجأ بأیه و هیکس نتأنه اَ قوانینَ باطیلَ کونه. بأزین پادشا، شهبانو مقامَ کسی‌یَ کی وشتی جأ بهتره فده.

استر 3:12

بأزین سیزدهمی روزٚ اوّلٚ ماه، پادشا کاتبأنَ دوخوأدید و تومامی‌یٚ هامانٚ دستورأنَ، ساتْراپأن، ولایتأنٚ فرماندارأن و پیله آدمأنٚ قومٚ رِه بینیویشتیدی. او نیویشته‌یأن، هر ولایتٚ‌ره اونٚ خط و هر قومَ اونٚ زبان جٚه خشایارشاه نام بینیویشته بوبوسته و پادشا انگوشترٚ اَمرأ مُهرَ بوستید.

استر 8:10

مردخای او نامه‌یأنَ خشایارشاه اسمٚ اَمرأ بینیویشته و اونٚ انگوشترٚ اَمرأ مُهر و موم بوکوده و اوشأنَ قاصدأنی‌یَ کی اسب سوار بید فأرسأنه و اوشأنم، خوشأنٚ اسبأنٚ تازی‌یٚ شاهی اَمرأ کی کرّه مادیأن بید، رأ دکفتید.

استر 8:5

«اگه مایل بیبید و مرَ لطف بوکونید و هَطو مصلحت بیدینید و اگه می جأ راضی ایسیدی، ایتأ حوکم بینیویشته ببه، تا دس‌نیویشته‌یأنی‌یَ کی هامانٚ اَجاجی، همداتای زأی، خوأستی به تومامٚ ولایتأن اوسه کونه و اونٚ اَمرأ یهودیأنَ بوکوشه، باطیل ببه.

دانیال 6:8

اَی پادشا، هسأ دستور بدید اَ حوکم بینیویشته ببه و اونَ مُهر بوکونید تا اَطویی مادأن و پارسأنٚ قانونٚ میأن جٚه بین نیشه و تغییر نوکونه.»