استر 8:1 - کیتاب مقدّس به گیلکی (رشتی)

¹ او روز خشایارشاه، تومامٚ هامانٚ املاکَ، کی یهودیأنٚ دوشمن بو، شهبانو استرَ ببخشه و چون استر خشایارشایَ بوگفته‌بو کی مردخای اَنٚ فامیله، مردخای بتأنسته پادشا ورجأ بشه.

استر 8:1 ပူးပေါင်းရင်းမြစ်များ

استر 1:14

هو هفت‌تأ حکیمأن، اَمیرأنٚ پارس و ماد بید کی همیشه تأنستید هر موقع کی اوشأنٚ دیل خوأستی، پادشایَ بیدینید و اوشأنٚ مقام، اَمیرأنٚ دیگرٚ جأ بوجورتر بو کی کَرشِنا، شیتار، اَدماتا، تَرشیش، مِرِس، مَرسِنا و مِموکان نام دأشتیدی.

استر 2:15

وختی نوبتٚ استر، ابیحایلٚ زأی و مردخای عمو دُختر، فأرسه تا پادشا ورجأ بشه، اون تنها چیزأنی‌یَ بخوأسته کی هیجای، اونَ بوگفته‌بو. اَطویی همه‌تأن کی اونَ ده‌ییدی، اوشأنٚ نظر جلبَ بوسته.

استر 2:7

مردخای، قِیسٚ نتیجه، ایتأ عمو دُختر دأشتی کی اونٚ نام هَدَسه بو ولی اونَ «استر» دوخوأدیدی. استر خوش هیکل و خوش برو رو بو. مردخای بعدٚ اَنکی استرٚ پئر و مار بمَردیدی، اونَ خو دُخترٚ مأنستن پیلَه کوده.

استر 7:6

استر بوگفته: «اَمی دوشمن و بد خوأه، هَه هامانی‌ ایسه کی اَمی ورجأ ایسَه.» هو وخت هامانٚ دیلٚ زاله، شاه و شهبانو ورجأ آبَ بوسته.

استر 8:7

خشایارشاه وختی اَ گبأنَ بیشنأوسته، شهبانو استر و مردخای یهودی‌یَ بوگفته: «هامانٚ مال و منالَ، استرَ ببخشم و اونَ کی خوأستی یهودیأنَ دس درازی بوکونه، دارٚ جور ببردید.

مزامیر 39:6

رأس رأسی اینسأن ایتأ سایه‌یَ مأنه کی شوئون و اَمون کونه؛ هَچین بیخودی دیل‌نیگرانَ به؛ مال و منال جمَ کونه، ولی نأنه اونٚ جأ کی ایستفاده کونه.

لوقا 12:20

ولی خودا اونَ گه: ‹بی عقل، هَه ایمشب تی زندگی تومامَ به. هسأ او چیزأنی کی انبار بوکودی کی شین وأ ببه؟›