استر 7:9 - کیتاب مقدّس به گیلکی (رشتی)

⁹ بأزین حربونا، ایتأ جٚه پادشا خواجه‌یأن، بوگفته: «ایتأ دار کی اَنٚ بولندی ۲۳ متر ایسه هامانٚ خانه میأن آماده‌یه. هامان اَ دارَ مردخای وأسی کی خو راپُردٚ اَمرأ، پادشا جانَ نجات بدَه‌بو، آمادَه کوده‌بو.» پادشا بفرمأسته: «هامانَ هو دارٚ جور ببرید.»

استر 7:9 ပူးပေါင်းရင်းမြစ်များ

استر 1:10

هفتمی روزٚ مهمانی کی پادشا شراب خوردنٚ جأ سرخوش بو، خو هفت خواجه‌یَ کی اوشأنٚ نامأن مهومان، بِزتا، حربونا، بغتا، ابغتا، زاتر و کارکاس بید و خشایارشایَ خدمت کودیدی، دستور بدَه

استر 5:14

هامانٚ زنأی و تومامٚ اونٚ رِفِقأن بوگفتید: «دستور بدن ایتأ چوبٚ دار کی اونٚ بولندی ۲۳ متر ایسه، چأکونید و خروس‌خوأنان پادشا جأ بخوأه کی مردخای‌یَ دارٚ جأ آویزانَ کونید. بأزین خوش خوشأن پادشا اَمرأ مهمانی بوشو.» اَ گب هامانَ خوش بمو و دستور بدَه تا ایتأ دار چأکونید.

استر 6:14

هَطو کی اوشأن اونٚ اَمرأ گب زِئن دیبید، پادشا خواجه‌یأن بموییدی و هامانَ عجله اَمرأ مهمانی‌یَ کی استر به پا بوکوده‌بو ببردید.

استر 6:2

ایتأ نیویشته‌یی او کیتابٚ دورون پیدا بوکودید و بخوأندید کی چوطویی مردخای، دو‌تأ جٚه خواجه‌یأنَ کی اوشأنٚ نام بغتان و ترش بو و پادشا پرده‌دار بیدی و خوأستیدی خشایارشایَ بوکوشید وأخبرَ کوده‌بو.

استر 8:7

خشایارشاه وختی اَ گبأنَ بیشنأوسته، شهبانو استر و مردخای یهودی‌یَ بوگفته: «هامانٚ مال و منالَ، استرَ ببخشم و اونَ کی خوأستی یهودیأنَ دس درازی بوکونه، دارٚ جور ببردید.

استر 9:14

پادشا دستور بدَه اَطویی ببه. هو فرمان، شوشٚ میأن صادرَ بوسته و هامانٚ ده‌تأ زأکأنم دارٚ جور آویزانَ بوستید.

استر 9:25

ولی وختی پادشا اَ ماجرایَ بیشنأوسته، ایتأ حکمٚ دیگر صادر بوکوده تا او شومٚ نقشه‌یَ کی هامان، یهودیأنٚ وأسی بکشه‌بو خودشٚ سر بأیه و خو زأکأنٚ اَمرأ دارٚ جور بشه.

مزامیر 35:8

ببه کی نأنسته‌بو هلاکَ بید و هو دامٚ دورون کی مِره جیگا بدَه‌ییدی، گیرفتارَ بید؛ ببه اونٚ دورون دکفید و جٚه بین بیشید.

مزامیر 73:19

چوطو ایدفعه‌یی هلاکَ بوستیدی و وحشتناکٚ بلایأنٚ مره جٚه بین بوشوییدی.

دانیال 6:24

پادشا دستورٚ اَمرأ تومامیٚ کسأنی‌یَ کی دانیالَ ایفترا بزه‌بید، بأوردید و اوشأنَ زن و زأکأنٚ اَمرأ شیرأنٚ چاه دورون تأودَه‌یید. اوشأن چاه تأن فئنرسه‌بید کی شیرأن اوشأنَ فُتُرکستیدی و تومامٚ اوشأنٚ خاشأنَ بشکنه‌ییدی.

دانیال 6:7

اَمأن، تومامٚ وزیرأن، حاکمأن، اوستاندارأن، مشاورأن و فرماندارأن همدیگرٚ اَمرأ مشورت بوکودیم و صلاح بیده‌ییم کی پادشا ایتأ حوکم بده و قدغن بوکونه کی اگه کسی تا سی روز جٚه خودا یا جٚه اینسأنی به جز شومأن، اَی پادشا، درخوأستی بوکونه، شیرأنٚ چاهٚ دورون تأودَه ببه.