استر 7:8 - کیتاب مقدّس به گیلکی (رشتی)

⁸ هَطو کی پادشا خو کاخٚ باغٚ جأ وأگردسته مهمانی تالارٚ میأن، ایدفعه‌یی هامانَ بیده کی خوره تأوده او تختٚ رو کی استر اونٚ سر لَم بده‌بو. پادشا خیالٚ بد بوکوده و بوگفته: «اَ مردای می کاخٚ دورون، حتی می چومٚ جُلُو شهبانویَ بی‌ایحترامی کودن دره؟» هَطو کی پادشا اَنَ گفتن دوبو، هامانٚ سرمچه‌یَ بپوشأنه‌ییدی،

استر 7:8 ပူးပေါင်းရင်းမြစ်များ

استر 1:5

وختی اَ مهمانی به آخر فأرسه، پادشا هفت روزٚ دیگرم تومامٚ مردومأنٚ رِه، پیله‌دأنه و کوجه‌دأنه، کی شوشٚ دورون زندگی کودیدی، خو کاخٚ صحنٚ باغٚ میأنی ایتأ مهمانی‌یٚ دیگر بیگیفته.

استر 1:6

باغی کی حیاطٚ‌ دورون نهَه‌بو پرده‌یأنی کتانٚ جأ دأشتی کی سیفید و لاجوردی رنگ بیدی و هو پرده‌یأن لافندٚ کتانی‌یٚ نازک و ارغوانی رنگٚ اَمرأ، دورونٚ حلقه‌یٚ‌ کجینٚ جأ به سوتونأنٚ مرمری آویزانَ کوده‌بید. تختأنی طلا و کجین، سنگفرشأنٚ رو نهَه‌بید کی اونٚ جنس سُماک، مرمر، صدف و یشم بو.

استر 6:12

بأزین مردخای خو خدمتٚ‌ره کاخٚ دربارَ وأگردسته ولی هامان، غُرصه اَمرأ خو سرَ بپوشأنه و عجله اَمرأ بوشو خو خانه.

استر 7:10

پس هامانَ هو داری سر کی اونَ مردخای اعدامٚ وأسی آمادَه کوده‌بو دار بزه‌ییدی. هوطویی بو کی پادشا غیظم بوخوفته.

ایوب 9:24

وختی دونیا، شرورٚ آدمأنٚ دس دکفه، اون، دونیا داورأنَ دیمأنَ پوشأنه. اگه اون نی‌یه، پس کیسه کی اَ کارَ کونه؟

مَرقُس 14:65

بأزین بعضی‌یأن شروع بوکودید اونٚ سر فیلی فوکودن؛ اوشأن عیسی چومأنَ دٚوٚستید و هَطو کی اونَ زِئن‌دیبید، گفتیدی: «نبوّت بوکون!» نیگهبانأنم اونَ بیگیفتیدی و دکشَ دَیید.