استر 7:7 - کیتاب مقدّس به گیلکی (رشتی)

⁷ پادشا کی شراب خوردن دوبو، غیظٚ اَمرأ ویریشته و کاخٚ باغٚ میأن بوشو ولی هامان، چون بیده کی پادشا جأ اونَ رحمی فَنرسه، اویه بِیسه تا خو جانٚ وأسی دس به دامانٚ شهبانو ببه.

استر 7:7 ပူးပေါင်းရင်းမြစ်များ

استر 1:12

ولی وشتی، پادشا دستورَ کی خواجه‌یأن اونٚ رِه بأورده‌بید، قوبیل نوکوده و نوشو. هَنٚ وأسی، پادشایَ خیلی غیظَ گیفته و اونٚ دیلٚ دورون آتش به پا بوبوسته.

استر 1:5

وختی اَ مهمانی به آخر فأرسه، پادشا هفت روزٚ دیگرم تومامٚ مردومأنٚ رِه، پیله‌دأنه و کوجه‌دأنه، کی شوشٚ دورون زندگی کودیدی، خو کاخٚ صحنٚ باغٚ میأنی ایتأ مهمانی‌یٚ دیگر بیگیفته.

استر 7:10

پس هامانَ هو داری سر کی اونَ مردخای اعدامٚ وأسی آمادَه کوده‌بو دار بزه‌ییدی. هوطویی بو کی پادشا غیظم بوخوفته.

دانیال 3:19

نبوکدنصر وختی اوشأنٚ گبأنَ بیشنأوسته اونَ خیلی غیظَ گیفته و اونَ آتش گیفتَن دوبو. دستور بده آتشَ جٚه اونچی کی معمول بو، هفت برابر ویشتر داغَ کونید