استر 7:4 - کیتاب مقدّس به گیلکی (رشتی)

⁴ چره کی من و می قوم بوفروخته بوبوستیم تا کشته و نابود بیبیم. اگه تنها نوکری و کلفتی وأسی بوفروخته بوبوستیم، می دهنَ دٚوٚستیم، چونکی اَمی مصیبت پادشا ضررٚ ورجأ هیچی به حیساب نأیه.»

استر 7:4 ပူးပေါင်းရင်းမြစ်များ

استر 3:13

بأزین، قاصدأن، هو نامه‌یأنَ به پادشا ولایتأن ببردید و هَه دستورٚ اَمرأ تومامٚ یهودیأن - پیرأن و جوانأن، مردأکأن و زنأکأن و زأکأن - وأستی همه‌تأن ایتأ روزٚ میأن، ینی سیزدهمی روزٚ ماهٚ دوازده، هلاک بیبید و اوشأنٚ اموال به تاراج بشه.

استر 3:9

اگه مایل بیبید، ایتأ دستور بینیویشته ببه کی اوشأنَ بوکوشیم. بأزین من سیصد و شصت تُن نقره خزانه‌دارأنَ فدم تا خزانه دورون دوکونید.»

استر 7:5

خشایارشاه شهبانویَ وَورسه: «اون کیسه و کویه ایسَه کی جرأت بوکوده تا اَ کارَ بوکونه؟»

استر 7:6

استر بوگفته: «اَمی دوشمن و بد خوأه، هَه هامانی‌ ایسه کی اَمی ورجأ ایسَه.» هو وخت هامانٚ دیلٚ زاله، شاه و شهبانو ورجأ آبَ بوسته.

استر 8:11

هو دس نیویشته‌یأنٚ دورون پادشا، یهودیأنٚ هر شهرَ ایجازه بده کی دورٚ هم جم بیبید و خوشأنٚ جأ دفاع بوکونید. یهودیأن تأنیدی هر نیرویٚ سلاح به دستی، هر قوم و ولایتٚ جأ کی بخوأستید اوشأن و اوشأنٚ زن و زأکأنَ حمله بوکونید، بوکوشید و نابود بوکونید و اوشأنٚ اموالَ اوسأنید.

استر 8:6

چوطویی من تأنم اَ عذابی کی می قومٚ سر بأیه بیدینم؟ چوطو تأنم بیدینم می فامیلأن هلاکَ بید؟»

استر 9:25

ولی وختی پادشا اَ ماجرایَ بیشنأوسته، ایتأ حکمٚ دیگر صادر بوکوده تا او شومٚ نقشه‌یَ کی هامان، یهودیأنٚ وأسی بکشه‌بو خودشٚ سر بأیه و خو زأکأنٚ اَمرأ دارٚ جور بشه.

دانیال 6:2

و سه‌تأ وزیرم اینتخاب بوکوده کی اوشأنَ نظارت بوکونید کی دانیال ایتأ جٚه اوشأن بو. پادشا دستور بدَه کی تومامٚ اوستاندارأن، وأستی او وزیرأنَ حیساب کیتاب پس بدید تا پادشا ضرر و زیانی نیدینه.

لوقا 12:45

ولی اگه او ختمتکار خو اَمرأ فیکر بوکونه کی اونٚ ارباب دِئرَ کونه و زود نأیه، بأزین او ختمتکار بوخوره، بنوشه و مستَ کونه و الباقی ختمتکارأنَ، هم مردأکأنَ و هم زنأکأنَ کتک بزنه،