استر 7:10 - کیتاب مقدّس به گیلکی (رشتی)

¹⁰ پس هامانَ هو داری سر کی اونَ مردخای اعدامٚ وأسی آمادَه کوده‌بو دار بزه‌ییدی. هوطویی بو کی پادشا غیظم بوخوفته.

استر 7:10 ပူးပေါင်းရင်းမြစ်များ

پیدایش 40:22

ولی رئیسٚ نانوایأنَ بوکوشتیدی و دار بزه‌ییدی، هوطو کی یوسف اوشأنٚ‌ره پیشگویی بوکوده‌بو.

استر 2:1

چند وخت کی بوگوذشته، خشایارشاه غیظم کمَ بوسته و شهبانو وشتی کردکارأن و دستوری‌یَ کی اونٚ وأسی فدَه‌بو، پادشایَ یاد بمو.

استر 5:14

هامانٚ زنأی و تومامٚ اونٚ رِفِقأن بوگفتید: «دستور بدن ایتأ چوبٚ دار کی اونٚ بولندی ۲۳ متر ایسه، چأکونید و خروس‌خوأنان پادشا جأ بخوأه کی مردخای‌یَ دارٚ جأ آویزانَ کونید. بأزین خوش خوشأن پادشا اَمرأ مهمانی بوشو.» اَ گب هامانَ خوش بمو و دستور بدَه تا ایتأ دار چأکونید.

استر 7:7

پادشا کی شراب خوردن دوبو، غیظٚ اَمرأ ویریشته و کاخٚ باغٚ میأن بوشو ولی هامان، چون بیده کی پادشا جأ اونَ رحمی فَنرسه، اویه بِیسه تا خو جانٚ وأسی دس به دامانٚ شهبانو ببه.

استر 7:8

هَطو کی پادشا خو کاخٚ باغٚ جأ وأگردسته مهمانی تالارٚ میأن، ایدفعه‌یی هامانَ بیده کی خوره تأوده او تختٚ رو کی استر اونٚ سر لَم بده‌بو. پادشا خیالٚ بد بوکوده و بوگفته: «اَ مردای می کاخٚ دورون، حتی می چومٚ جُلُو شهبانویَ بی‌ایحترامی کودن دره؟» هَطو کی پادشا اَنَ گفتن دوبو، هامانٚ سرمچه‌یَ بپوشأنه‌ییدی،

استر 8:7

خشایارشاه وختی اَ گبأنَ بیشنأوسته، شهبانو استر و مردخای یهودی‌یَ بوگفته: «هامانٚ مال و منالَ، استرَ ببخشم و اونَ کی خوأستی یهودیأنَ دس درازی بوکونه، دارٚ جور ببردید.

استر 9:14

پادشا دستور بدَه اَطویی ببه. هو فرمان، شوشٚ میأن صادرَ بوسته و هامانٚ ده‌تأ زأکأنم دارٚ جور آویزانَ بوستید.

استر 9:25

ولی وختی پادشا اَ ماجرایَ بیشنأوسته، ایتأ حکمٚ دیگر صادر بوکوده تا او شومٚ نقشه‌یَ کی هامان، یهودیأنٚ وأسی بکشه‌بو خودشٚ سر بأیه و خو زأکأنٚ اَمرأ دارٚ جور بشه.

ایوب 18:8

چره کی خوشأنٚ پا مره دامٚ دورون دکفیدی و تورأنٚ سر رأ شیدی.

ایوب 20:8

خوابٚ مأنستن پره و دِه پیدا نیبه؛ شبٚ رویا مأنستن جٚه بین شه.

مزامیر 37:15

ولی اوشأنٚ شمشیرأن، خودشأنٚ دیلٚ دورون شه و اوشأنٚ کمانأن ایشکفه.

مزامیر 7:16

اونٚ فیتنه وأگرده خودشٚ سر و اونٚ ظلم و ستم اونٚ سرٚ تأنَ خوره.

دانیال 6:24

پادشا دستورٚ اَمرأ تومامیٚ کسأنی‌یَ کی دانیالَ ایفترا بزه‌بید، بأوردید و اوشأنَ زن و زأکأنٚ اَمرأ شیرأنٚ چاه دورون تأودَه‌یید. اوشأن چاه تأن فئنرسه‌بید کی شیرأن اوشأنَ فُتُرکستیدی و تومامٚ اوشأنٚ خاشأنَ بشکنه‌ییدی.

دانیال 6:25

بأزین داریوشٚ پادشا به تومامٚ میلتأن و قومأن و زبانأنی کی تومامی زیمینٚ دورون زندگی کودید اَطویی بینیویشته: «سلامتی‌یٚ فراوان بر شومأن!