استر 6:9 - کیتاب مقدّس به گیلکی (رشتی)

⁹ بأزین او ردا و اسبَ ایتأ جٚه پیله‌ترین اَمیرأنَ فدید تا او ردایَ کسی‌یَ کی خوأییدی اونَ پاداش فدید، دوکونه و اونَ اسبٚ سر سوارَ کونه و شهرٚ میدانٚ دورون ببرده ببه و جارچی اونٚ جُلُو فریاد بزنه: ‹کسی‌یَ کی پادشا خوش دأره اونَ پاداش فده اَطویی اونٚ اَمرأ رفتار به.›»

استر 6:9 ပူးပေါင်းရင်းမြစ်များ

پیدایش 41:43

اونَ سوارٚ خو دوّمی ارابه‌یٚ سلطنتی بوکوده و جُلُو دارأنم فریاد کودیدی: «زانو بزنید.» اَطویی یوسفَ تومامٚ سرزیمینٚ مصرٚ حاکم چأکوده.

استر 6:10

پادشا هامانَ بفرمأسته: «عجله اَمرأ بوشو و هوطویی کی بوگفتی، ردا و اسبَ فیگیر و مردخای یهودی اَمرأ کی می دربارٚ دورون خدمت کونه، هو کارَ بوکون. تی حواس ببه هرچی کی بوگفتی چیزی کم و کسر نمأنه.»

استر 6:6

وختی هامان داخلَ بوسته، پادشا اونَ وَورسه: «کسی‌یَ کی پادشا خوأیه اونَ پاداش فده، چی وأ بوکونیم؟» هامان خو اَمرأ فیکر بوکوده: «غیرٚ من کی ایسه کی پادشا خوأیه اونَ پاداش فده؟»