استر 6:3 - کیتاب مقدّس به گیلکی (رشتی)

³ بأزین پادشا وَورسه: «مردخای، اَ کارٚ وأسی چی حرمت و پاداشی فیگیفته؟» پادشا نوکرأن بوگفتید: «مردخای چیزی فَنگیفته.»

استر 6:3 ပူးပေါင်းရင်းမြစ်များ

پیدایش 40:23

ولی رئیسٚ ساقیأن یوسفَ به یاد نأورده و اونَ خاطرَ دَه.

استر 6:2

ایتأ نیویشته‌یی او کیتابٚ دورون پیدا بوکودید و بخوأندید کی چوطویی مردخای، دو‌تأ جٚه خواجه‌یأنَ کی اوشأنٚ نام بغتان و ترش بو و پادشا پرده‌دار بیدی و خوأستیدی خشایارشایَ بوکوشید وأخبرَ کوده‌بو.

استر 6:4

پادشا وَورسه: «چی کسی صحنٚ دورون ایسَه؟» هو وخت هامان تازه کاخٚ صحنٚ بیرونی جأ داخلَ بوسته‌بو تا درباره‌یٚ مردخای اعدام کودن دارٚ جور کی اونٚ‌ره آماده بوکوده‌بو، پادشا اَمرأ گب بزنه.

دانیال 5:16

بیشنأوستم کی تو تأنی رازأنَ تعبیر بوکونی و پیله موشکلأنٚ رِه چاره بیأفی. هسأ اگه بتأنی اَ بینیویشته‌یَ بخوأنی و اونَ معنی بوکونی، بأزین تأنی ارغوانی ردایَ دوکونی، طلایی طوقَ تی گردن تأودی و سوّمی حاکمٚ مملکت بیبی.»

دانیال 5:29

بأزین بِلشَصَّر فرمان بدَه دانیالَ ارغوانی ردا دوکونید، طلایی طوقَ اونٚ گردن تأودید و اعلام بوکونید کی اون، سومی حاکمٚ مملکت بوبوسته.

دانیال 5:7

فریاد بزه کی تومامٚ افسونگرأن و اُسطُرلابچی‌یأن و طالع‌بینأنَ بأورید و اون، بابِلٚ حکیمأن بوگفته: «هر کی بتأنه اَ بینیویشته‌یَ بخوأنه و مِره تعبیر بوکونه، دستور دهم ارغوانی ردای اونَ دوکونید و طوقٚ طلا اونٚ گردن تأودید، بأزین اون سوّمی حاکمٚ مملکت به.»