استر 5:1 - کیتاب مقدّس به گیلکی (رشتی)

¹ 3سوّمی روزٚ روزه گیفتن بو کی استر خو شهبانویی لیباسأنَ دوکوده و کاخٚ اندرونی‌ بوشو و تالارٚ جُلُو بِیسه. پادشا، تالارٚ میأن، درٚ ورودی کاخٚ روبرو خو تختٚ شاهی سر نیشته‌بو.

استر 5:1 ပူးပေါင်းရင်းမြစ်များ

استر 1:11

کی شهبانو وشتی‌یَ هَطو کی تاج اونٚ سر نهَه بأورید تا اَمیرأن و مردوم اونٚ زیبای‌یَ بیدینید، چونکی شهبانو قشنگ بو.

استر 2:5

شوشٚ قلعه میأنی، ایتأ یهودی جٚه بِنیامینٚ قبیله زندگی کودی کی مردخای نام دأشتی. مردخای، یائیرٚ زأی، یائیر، شمعی زأی و شمعی، قِیسٚ زأی بو.

استر 4:11

«تومامٚ پادشا خدمتکارأن و اونٚ ولایتٚ مردومأن، همه‌تأن دأنیدی کی اگه مردای یا زنأکی پادشا ورجأ، صحنٚ اندرونی میأن بشه بدونٚ اَنکی پادشا اونَ دوخوأنه، تنها ایتأ حوکم اجرا به و اون کشته به، مگر اَنکی پادشا خو طلایی چوگانَ اونٚ طرف درازَ کونه تا اون زنده بمأنه. هسأ سی روزه پادشا مرَ دونخوأده کی اونٚ ورجأ بشم.»

استر 4:16

«بوشو تومامٚ یهودیأنی کی شوشٚ میأن ایسه‌ییدی‌یَ جمَ کون و اوشأنَ بوگو کی می وأسی روزه بیگیرید و سه روز و سه شب هیچی نوخورید. من و می ندیمه‌یأنم شیمی مأنستنی روزه گیریم. بعدٚ اون پادشا ورجأ شم، گرچه دأنم اَ کار خلافٚ پادشا قانونه. اگه وأستی بیمیرم، میرمه.»

استر 4:17

پس مردخای بوشو و هوطویی کی استر دستور بده‌بو بوکوده.

استر 6:4

پادشا وَورسه: «چی کسی صحنٚ دورون ایسَه؟» هو وخت هامان تازه کاخٚ صحنٚ بیرونی جأ داخلَ بوسته‌بو تا درباره‌یٚ مردخای اعدام کودن دارٚ جور کی اونٚ‌ره آماده بوکوده‌بو، پادشا اَمرأ گب بزنه.

استر 8:15

هو وخت مردخای خو لیباسأنٚ سلطنتی اَمرأ کی لاجوردی و سیفید رنگ بو و ایتأ ارغوانی ردا کی اونٚ جنس نازکٚ کتان بو و ایتأ پیله‌دأنه تاجٚ طلایی اونٚ سر نهَه‌بو، جٚه پادشا ورجأ بوشو شوش و مردومأنٚ او شهر شادی اَمرأ فریاد بزه‌ییدی.

متّی 10:16

می وأسی شمرَ والی‌یأن و پادشایأنٚ ورجأ بریدی، و شِمره ایتأ فرصتی ایسه کی اوشأنٚ ورجأ و دیگر قومأنٚ رِه شهادت بدید.

متّی 11:8

وگرنه، چی‌یَ بوشو بید بیدینید؟ ایتأ مردأکی‌یَ کی لیباسأنٚ لطیف و گیرانبها دوکوده؟ وأستی بدأنید اوشأنی کی لیباسأنٚ لطیف دوکونیدی پادشایأنٚ کاخأنٚ میأن ایسَه‌ییدی، نه بیابانٚ میأن.

متّی 27:64

پس دستور بدید قبرَ تا سومی روز نگهبانی بدید، نوکونه اونٚ شاگردأن بأیید جسدَ بودوزأنید و مردومَ بیگید کی اون جٚه دونیایٚ مورده‌یأن ویریشته، کی در اَ صورت اَ آخرین فریب، اوّلی فریبٚ جأ بدتر به.»

لوقا 22:30

کی می پادشایی دورون می سفره سر بینیشید و بوخورید و قضاوتٚ تختأنٚ سر بینیشید کی ایسرائیلٚ دوازده‌تأ قبیله‌یَ داوری بوکونید.