استر 4:6 - کیتاب مقدّس به گیلکی (رشتی)

⁶ بأزین هتاک بوشو مردخای ورجأ کی شهرٚ میدانٚ دورونی، کاخٚ دروازه جُلُو نهَه‌بو.

استر 4:6 ပူးပေါင်းရင်းမြစ်များ

استر 4:3

هر ولایتی‌یَ کی پادشا دستور فأرسه‌یی، یهودیأنٚ میأن ایتأ پیله‌دأنه عزاداری به پا بوستی، روزه گیفتیدی و گریه و زاری کودیدی و خیلی‌یأن پلاس دوکودیدی و خاکسترٚ میأن خوفتیدی.

استر 4:5

هو وخت استر ایتأ شاه خواجه‌یأنَ کی هتاک نام دأشتی و اونَ خدمت کودی، دوخوأده و دستور بدَه کی مردخای ورجأ بشه و بیدینه چی ایتفاقی دکفتن دره و چره مردخای اَطویی رفتار کونه.

استر 4:7

مردخای، هرچی کی اونٚ سر بمو، هتاکٚ رِه تعریف بوکوده و مقدارٚ دقیقٚ پولی‌یَ کی هامان قول بده‌بو در عوضٚ کوشتنٚ یهودیأن پادشا خزانه‌یَ فده، اونٚ‌ره بوگفته

استر 7:2

دوّمی شام بو، وختی اوشأن شراب خوردن دیبید، پادشا استرَ وَورسه: «شهبانو استر، چی خوأیی کی ترَ فدم؟ تی خوأهش چیسه؟ تا نصفٚ اَ مملکتَ ترَ فدم.»

استر 9:12

بأزین پادشا، شهبانو استرَ بوگفته: «یهودیأن شوشٚ قلعه میأنی، ده‌تأ جٚه هامانٚ زأکأنَ و پونصد نفرٚ دیگرَ بوکوشتید. بیدین دیگر ولایتأنٚ دورون چی کاری بوکودید. هسأ تو چی خوأیی کی ترَ فدم؟ تی خوأسته چیسه کی اونَ انجام بدم؟»