استر 4:16 - کیتاب مقدّس به گیلکی (رشتی)

¹⁶ «بوشو تومامٚ یهودیأنی کی شوشٚ میأن ایسه‌ییدی‌یَ جمَ کون و اوشأنَ بوگو کی می وأسی روزه بیگیرید و سه روز و سه شب هیچی نوخورید. من و می ندیمه‌یأنم شیمی مأنستنی روزه گیریم. بعدٚ اون پادشا ورجأ شم، گرچه دأنم اَ کار خلافٚ پادشا قانونه. اگه وأستی بیمیرم، میرمه.»

استر 4:16 ပူးပေါင်းရင်းမြစ်များ

پیدایش 18:19

چره کی من اونَ انتخاب بوکودم کی اون خو خانواده و خو زأکأنَ فرمان بده کی بعدٚ خودش می دستورأنَ اجرا بوکونید و راستی و عیدالتَ بجا بأورید، تا منم هرچی‌یَ کی ایبراهیمَ وعده بدَه‌بوم، بجا بأورم.»

پیدایش 43:14

خودایٚ قادرٚ مطلقم شمرَ او مردأکٚ ورجه لطف و عنایت بوکونه کی بنیامین و شیمی برأرٚ دیگرم آزادَ به. منم اگه قراره می زأکأنَ نیدینم، بده نیدینم.»

عِزرا 8:21

اویه اَهَوا روخانٚ ورجأ اعلام بوکودم کی همه‌تأن وأ روزه بیگیریم تا خودا ورجأ سربیجیر بیبیم و اونٚ جأ خودمأن و اَمی زأکأن و تومامٚ اَمی مال و منالٚ وأسی اَ سفرٚ میأن موحافظت بخوأییم،

استر 4:15

استر اَ پیغامَ، مردخای‌یَ اوسه کوده:

استر 4:17

پس مردخای بوشو و هوطویی کی استر دستور بده‌بو بوکوده.

استر 4:3

هر ولایتی‌یَ کی پادشا دستور فأرسه‌یی، یهودیأنٚ میأن ایتأ پیله‌دأنه عزاداری به پا بوستی، روزه گیفتیدی و گریه و زاری کودیدی و خیلی‌یأن پلاس دوکودیدی و خاکسترٚ میأن خوفتیدی.

استر 5:1

3سوّمی روزٚ روزه گیفتن بو کی استر خو شهبانویی لیباسأنَ دوکوده و کاخٚ اندرونی‌ بوشو و تالارٚ جُلُو بِیسه. پادشا، تالارٚ میأن، درٚ ورودی کاخٚ روبرو خو تختٚ شاهی سر نیشته‌بو.

استر 9:31

تا پوریمٚ روزأنَ کی اون و شهبانو استر تعیین بوکوده‌بید محترم بدأرید. اَ دستورٚ میأن، اوشأن و اوشأنٚ زأکأنٚ جأ بخوأستید هَطویی کی روزه و عزاداری گیریدی، پوریمٚ روزأنم برپا بوکونید.

دانیال 2:18

و اوشأنٚ جأ بخوأسته کی دوعا بوکونید کی خودایٚ آسمانأن رحم بوکونه و اَ رازَ اوشأنٚ رِه آشکارَ کونه تا دانیال و اونٚ رِفِقأن، بابِلٚ دیگرٚ حکیمأنٚ اَمرأ کوشته نیبید.

متّی 12:40

چونکی هوطو کی یونس سه شبانه روز، ایتأ پیله ماهی شکمٚ میأن ایسَه‌بو، اینسأنٚ پسرم سه شبانه روز زیمینٚ دیلٚ دورون ایسه.

لوقا 9:24

چره کی هر کی بخوأیه خو جانَ نجات بده، اونَ جٚه دس دهه؛ ولی هر کی می وأسی خو جانَ فده، اونَ نجات دهه.

یوحنا 19:22

پیلاطس جواب بدَه: «اونچی بینیویشتم، بینیویشتم.»

اعمالٚ رسولأن 10:7

وختی فرشته‌یی کی اونٚ اَمرأ گب زِئن دوبو بوشو، کُرنِلیوس دو نفرَ جٚه خو خادمأن و ایتأ جٚه خودشٚ سپاهیأنٚ مخصوصَ کی ایتأ پارسا مردای بو، دوخوأده

اعمالٚ رسولأن 20:24

ولی می جان، مِره ارزشی نأره، مگر بتأنم می مسابقه‌یَ به آخر برسأنم و خدمتی‌یَ کی خوداوند عیسی مرَ ببخشه، به کمال فأرسأنم، خدمتی کی هو اعلامٚ بشارتٚ فیضٚ خودایه.

اعمالٚ رسولأن 21:13

ولی پولُس وأگردسته بوگفته: «اَن چی کاری ایسه کی کونیدی؟ چره شیمی گریه اَمرأ می دیلَ اِشکنیدی؟ من آماده‌یم، نه فقط زندان بشم بلکی اورشلیمٚ میأن، خوداوند عیسی نامٚ وأسی بیمیرم.»

اعمالٚ رسولأن 27:33

هوا روشنَ بوستن دوبو، پولُس اوشأنٚ جأ بخوأسته ایپچه غذا بوخورید و بوگفته: «ایمروز چارده روزه کی اینتظار کشئن دریدی، هیچی نوخوردیدی و بی‌غذا بمأنسته‌ییدی.

اعمالٚ رسولأن 9:9

اون سه روز نتأنستی بیدینه و آب و غذایم نوخوردی.

فیلیپیان 2:30

چره کی مسیحْ ختمت کودنٚ وأسی تا مرگٚ نزدیکی جُلُو بوشو و جٚه اَ خأطر کی خوأستی شیمی ختمتٚ کم و کسری‌یأنَ جبران بوکونه، خو جانَ بخطر تأودَه.