استر 3:8 - کیتاب مقدّس به گیلکی (رشتی)

⁸ هامان، خشایارشایَ بوگفته: «قومأنٚ میأنی، قومی ایسَه کی تومامٚ ولایتأنٚ شیمی مملکتٚ دورون پخش و پلاییدی کی اَشأنٚ رسم و رسوم قومأنٚ دیگرٚ اَمرأ فرق کونه و پادشا قوانینَ اجرا نوکونیدی. اوشأنٚ تحمل کودن به سودٚ پادشا نی‌یه.

استر 3:8 ပူးပေါင်းရင်းမြစ်များ

عِزرا 4:6

وختی خشایارشاه پادشا بوبوسته، اَوایلٚ اون سلطنت، قومٚ دوشمنأن اونٚ رِه ایتأ عرضٚ حال، یهودا و اورشلیمٚ مردومأنٚ ضد بینیویشتیدی.

استر 3:9

اگه مایل بیبید، ایتأ دستور بینیویشته ببه کی اوشأنَ بوکوشیم. بأزین من سیصد و شصت تُن نقره خزانه‌دارأنَ فدم تا خزانه دورون دوکونید.»

استر 4:1

وختی مردخای تومامٚ اَ کارأنٚ جأ وأخبرَ بوسته، خو لیباسأنَ ژندره مندرَه کوده، پلاس دوکوده و خاکسترَ خو سر فوکوده. بأزین ضجّه و ایجگره زنان شهرٚ میأن بوشو.

دانیال 3:8

او وخت چند نفر اُسطُرلابچی بموییدی جُلُو و یوهودیأنٚ جأ شکایت بوکودیدی.

دانیال 6:13

اوشأن، پادشایَ بوگفتیدی: «دانیال، کی جٚه یهودی اسیرأن ایسه، اَی پادشا، شمرَ ایطاعت نوکونه و شیمی حوکمَ کی مُهر بوبوسته‌بو، پشتٚ گوش تأوده. اون همه‌تأ روز سه دفَه دوعا کونه.»

دانیال 6:14

پادشا وختی اَ گبأنَ بیشنأوسته، اونَ خیلی غیظَ گیفته و تصمیم بیگیفته کی دانیالَ نجات بده و تا غروب اونٚ نجاتٚ وأسی تقلا کودی.

یوحنا 7:35

پس یهودیأن همدیگرَ گفتیدی کی: «اَ مرد کویه شه کی اَمأن نتأنیم اونَ پیدا بوکونیم؟ نوکونه خوأیه بشه یهودیأنی ورجه کی بینٚ یونانیأن پراکنده‌ییدی و یونانیأنَ تعلیم بده.

اعمالٚ رسولأن 24:5

«اَمرَ آشکارَ بوسته کی اَ مردای، آدمٚ فتنه‌یی ایسه کی تومامٚ دونیا یهودیأنٚ میأن شورش به پا کونه و ایتأ جٚه سرأنَ فرقه‌یٚ ناصری‌یم ایسه.

اعمالٚ رسولأن 28:22

خوشحالَ بیم اگه تی جأ بیشنَویم و بدأنیم کی تو چی فیکر کونی، چونکی بیشتأوستیم مردوم، همه جا جٚه اَ فرقه‌یی کی ‹مسیحی› نام دأره، بدگویی کونیدی.»

۱پطرس 1:1

جٚه عیسی مسیحٚ رسول، پطرس، اینتخاب بوبوسته‌یأن، هو غریبٚ کسأنی وأسی کی پونتوس و غَلاطیه و کاپادوکیه و آسیا و بیطینیه میأن پراکندَه بوستیدی،