استر 3:1 - کیتاب مقدّس به گیلکی (رشتی)

¹ بأزین خشایارشاه خو ایتأ اَمیر، هامانَ کی هَمِداتای اَجاجی زأی بو، ایتأ مقامَ پیله‌تر جٚه مقامٚ گوذشته، فدَه و اَطویی هامان تومامٚ دیگر اَمیرأنٚ جأ بوجورتر بوبوسته.

استر 3:1 ပူးပေါင်းရင်းမြစ်များ

پیدایش 41:40

ترَ همه کاره‌یٚ می قصر کونم و تومامٚ مردومم تی فرمانَ بریدی. فقط می تخت و تاجٚ وسی تی جَا بالاترم.»

پیدایش 41:55

وختی کی تومامٚ سرزیمینٚ مصر گیرفتارٚ ویشتایی بوبوسته، مردومأن بوشوییدی فرعونٚ ورجه و خوراکٚ وسی ایلتماس بوکودیدی. فرعونم تومامٚ مردومَ بوگفته: «بیشید یوسفٚ ورجه هرچی شمرَ گه هوطو بوکونید.»

عِزرا 7:14

چره کی پادشا و اونٚ هفتأ مشاورأن ترَ اوسه کودیدی تا بیشی یهودا و اورشلیم، و اوشأنٚ اوضاع و احوالَ پورسٚ جو بوکونی تا بیدینی تی خودا شریعتٚ جأ کی تی دسٚ دورون نهَه ایطاعت کونیدی یا نه.

استر 1:14

هو هفت‌تأ حکیمأن، اَمیرأنٚ پارس و ماد بید کی همیشه تأنستید هر موقع کی اوشأنٚ دیل خوأستی، پادشایَ بیدینید و اوشأنٚ مقام، اَمیرأنٚ دیگرٚ جأ بوجورتر بو کی کَرشِنا، شیتار، اَدماتا، تَرشیش، مِرِس، مَرسِنا و مِموکان نام دأشتیدی.

استر 3:10

پادشا خو انگوشتری‌یَ کی فرمانَ اونٚ اَمرأ مُهر کودی خو دسٚ جأ بیرون بأورده و اونَ هامانَ کی همداتای اَجاجی زأی و یهودیأنٚ دوشمن بو، فدَه.

استر 5:11

هامان اوشأنٚ رِه در موردٚ خو شکوه و مال و منال و خو پسرأنٚ زیادی کی دأشتی گب بزه. بأزین تعریف بوکوده کی چوطویی پادشا اونَ نامدار بوکوده و بقیه‌یٚ خو اَمیرأن و سردارأنٚ‌ جأ بوجورتر ببرده‌بو

استر 7:6

استر بوگفته: «اَمی دوشمن و بد خوأه، هَه هامانی‌ ایسه کی اَمی ورجأ ایسَه.» هو وخت هامانٚ دیلٚ زاله، شاه و شهبانو ورجأ آبَ بوسته.

استر 8:3

بأزین استر ایوار دِه پادشایَ ایلتماس بوکوده و گریه کونان اونٚ پا جیر دکفته و بخوأسته کی هامانٚ شومٚ نقشه‌یَ، کی اونٚ اَمرأ خوأستی یهودیأنَ نابودَ کونه، باطیل بوکونه.

مزامیر 12:8

شرورٚ آدمأن همه جا فأرسیدی، وختی کی پستی و رذالت آدمأنٚ میأن ارزش پیدا کونه.

دانیال 6:2

و سه‌تأ وزیرم اینتخاب بوکوده کی اوشأنَ نظارت بوکونید کی دانیال ایتأ جٚه اوشأن بو. پادشا دستور بدَه کی تومامٚ اوستاندارأن، وأستی او وزیرأنَ حیساب کیتاب پس بدید تا پادشا ضرر و زیانی نیدینه.