استر 2:16 - کیتاب مقدّس به گیلکی (رشتی)

¹⁶ پس دهمی ماهٚ میأنی، کی ماهٚ طیبت گفتیدی، هفتمی سالٚ خشایارشاه پادشایی، استرَ کاخٚ دورون، پادشا ورجأ ببردیدی.

استر 2:16 ပူးပေါင်းရင်းမြစ်များ

عِزرا 4:6

وختی خشایارشاه پادشا بوبوسته، اَوایلٚ اون سلطنت، قومٚ دوشمنأن اونٚ رِه ایتأ عرضٚ حال، یهودا و اورشلیمٚ مردومأنٚ ضد بینیویشتیدی.

عِزرا 7:8

پنجمی ماه جٚه هفتمی سال اردشیرٚ پادشایی عِزرا فأرسه اورشلیم.

استر 2:1

چند وخت کی بوگوذشته، خشایارشاه غیظم کمَ بوسته و شهبانو وشتی کردکارأن و دستوری‌یَ کی اونٚ وأسی فدَه‌بو، پادشایَ یاد بمو.

استر 2:15

وختی نوبتٚ استر، ابیحایلٚ زأی و مردخای عمو دُختر، فأرسه تا پادشا ورجأ بشه، اون تنها چیزأنی‌یَ بخوأسته کی هیجای، اونَ بوگفته‌بو. اَطویی همه‌تأن کی اونَ ده‌ییدی، اوشأنٚ نظر جلبَ بوسته.

استر 2:17

خشایارشاه استرَ جٚه دُخترأنٚ دیگر ویشتر خوش بمو و اونَ دوس بدأشته. هَنٚ وأسی شهبانو وشتی تاجَ اونٚ سر بنَه و اونَ شهبانو بوکود.

استر 2:3

شومأن تأنیدی مامورأنی اینتخاب بوکونید کی تومامٚ ولایتأنٚ میأنی خوشگلٚ دُخترأنَ جمَ کونید و حرمسرا دورون کی شوشٚ قلعه میأنی ایسَه، بأورید. او دُخترأنَ خواجه هیجای دس فدید کی شیمی حرمسرایَ سرپرستی کونه و اسبابٚ سورخ آب سیفید آب اوشأنٚ اختیار بَنید.

استر 8:9

هو وخت کی بیست و سوّمی روزٚ ماهٚ سوّم بو کی اونَ «سیوان» گفتیدی، پادشا کاتبأنَ دوخوأدیدی. اوشأن تومامی‌یٚ مردخایٚ دستورأنَ، ساتْراپأن، ولایتأنٚ فرماندارأن و اَمیرأنٚ صد و بیست و هفت ولایت، هندوستانٚ مرز تا جنوبٚ مصرٚ رِه بینیویشتید. اَ دس‌نیویشته‌یأن تومامٚ ولایتأنَ، اوشأنٚ خط و اوشأنٚ قومٚ زبان و هَطویی یهودیأنٚ‌ره به اوشأنٚ خط و زبان، بینیویشته بوبوسته.