استر 2:12 - کیتاب مقدّس به گیلکی (رشتی)

¹² یک سال زمان ببرده کی دُخترأنَ پادشا رِه چأکون وأکون بوکونید. اوشأن شیش ماه روغنٚ مُرٚ اَمرأ و شیش ماه عطرأن و اسبابٚ سورخ آب سیفید آبٚ اَمرأ بزک بوستیدی تا اوشأنٚ نوبت فأرسه کی خشایارشاه ورجأ بیشید.

استر 2:12 ပူးပေါင်းရင်းမြစ်များ

استر 2:11

مردخای هر روز حرمسرای صحنٚ جُلُو رأ شویی تا بیدینه استرٚ احوال چوطویه و اونٚ جأ خبر بیگیره.

استر 2:13

اَطویی بو کی هر دُختری، حرمسرا جأ پادشا کاخٚ دورون شویی، تأنستی خو اَمرأ هرچی اَنٚ دیل خوأیه ببره.

استر 2:3

شومأن تأنیدی مامورأنی اینتخاب بوکونید کی تومامٚ ولایتأنٚ میأنی خوشگلٚ دُخترأنَ جمَ کونید و حرمسرا دورون کی شوشٚ قلعه میأنی ایسَه، بأورید. او دُخترأنَ خواجه هیجای دس فدید کی شیمی حرمسرایَ سرپرستی کونه و اسبابٚ سورخ آب سیفید آب اوشأنٚ اختیار بَنید.

استر 2:9

هیجای استرٚ جأ اَنٚ خوش بمو و اونَ پسندَ کوده. هَنٚ وأسی هو وخت اونَ اسبابٚ سورخ آب سیفید آب فدَه و ایتأ برنامه‌یٚ غذای مخصوص اونٚ‌ره تعیین بوکوده و هفت‌تأ ندیمه، پادشا کاخٚ جأ اونٚ اختیار بنَه. بأزین استرَ و اونٚ ندیمه‌یأنَ بهترین جاجیگای حرمسرا اوسه کوده.