استر 1:4 - کیتاب مقدّس به گیلکی (رشتی)

⁴ صد و هشتاد روزٚ تومام، خشایارشاه تومامی‌یٚ خو مال و منالَ و خو شکوه و جلالٚ پادشایی‌یَ به نمایش بنَه.

استر 1:4 ပူးပေါင်းရင်းမြစ်များ

استر 1:3

سومی سالٚ خو حکومت، ایتأ پیله‌دأنه مهمانی خو اَمیرأن و سردارأنٚ‌ره برپا بوکوده کی پارس و مادٚ فرمانده‌یأنٚ نظامی، نجیب زاده‌یأن و ولایتأنٚ فرماندارأن اویه ایسَه‌بید.

استر 1:5

وختی اَ مهمانی به آخر فأرسه، پادشا هفت روزٚ دیگرم تومامٚ مردومأنٚ رِه، پیله‌دأنه و کوجه‌دأنه، کی شوشٚ دورون زندگی کودیدی، خو کاخٚ صحنٚ باغٚ میأنی ایتأ مهمانی‌یٚ دیگر بیگیفته.

ایوب 40:10

«هسأ ترَ جلال و شکوهٚ اَمرأ چأکون وأکون بوکون؛ عیزت و پیله‌تری‌یه تی تن دوکون.

مزامیر 21:5

تی نجاتٚ وأسی‌یه کی اونٚ جلال پیله‌دأنه‌یه. اونَ شکوه و عظمت ببخشه‌یی.

دانیال 4:30

بوگفته: «بیدینید مگه اَ پیله‌دأنه بابِلی نی‌یه کی می توانایی و قودرتٚ اَمرأ می جلال و شکوهٚ وأسی چأکودم تا می سلطنتٚ جاجیگاه ببه؟»

دانیال 4:36

هو وخت می عقل مرَ وأگردسته و می عظمت و شکوه می سلطنتٚ جلالٚ وأسی دوواره مرَ فدَه بوبوسته. می مشاورأن و پیله کسأن می دونبأل بگردستیدی و دوواره می تختٚ سلطنتٚ سر بینیشتم و می جلال و شکوه جٚه قبل ویشترَ بوسته.

دانیال 5:18

اَی پادشا، خودایٚ موتعال، شیمی پئر نبوکدنصرَ، سلطنت، عظمت، شکوه و جلال ببخشه‌بو.

متّی 4:8

بأزین ایوار دِه شیطأن عیسایَ ببرده ایتأ کوهٚ جور کی خیلی بولند بو و تومامی دونیا مملکتأنَ و اوشأنٚ شکوه و جلالَ اونَ نیشأن بدَه

متّی 6:13

اَمرَ وسوسه‌یأنٚ جأ دور بدأر و او شریر جأ نجات بده. چونکی پادشایی، قودرت و جلال، تا اَبد تی شینه. آمین.