استر 1:3 - کیتاب مقدّس به گیلکی (رشتی)

³ سومی سالٚ خو حکومت، ایتأ پیله‌دأنه مهمانی خو اَمیرأن و سردارأنٚ‌ره برپا بوکوده کی پارس و مادٚ فرمانده‌یأنٚ نظامی، نجیب زاده‌یأن و ولایتأنٚ فرماندارأن اویه ایسَه‌بید.

استر 1:3 ပူးပေါင်းရင်းမြစ်များ

پیدایش 40:20

سه روزٚ بعد کی فرعونٚ تولد بو، ایتأ جشن خو تومامٚ خادمأنٚ ره بر پا بوکوده. اون، رئیسٚ ساقیأن و رئیسٚ نانوایأنَ بأورده خو خادمأنٚ جُلُو.

عِزرا 1:2

«کوروش، پارسٚ پادشا، اَطو فرمأیه: یهوه، آسمانأنٚ خودا، تومامٚ دونیا سرزیمینأنَ می دس بیسپرده و مرَ فرمان بدَه اورشلیمٚ میأن کی یهودا اوستانٚ دورون نهَه، ایتأ معبد اونٚ رِه چأکونم.

استر 1:14

هو هفت‌تأ حکیمأن، اَمیرأنٚ پارس و ماد بید کی همیشه تأنستید هر موقع کی اوشأنٚ دیل خوأستی، پادشایَ بیدینید و اوشأنٚ مقام، اَمیرأنٚ دیگرٚ جأ بوجورتر بو کی کَرشِنا، شیتار، اَدماتا، تَرشیش، مِرِس، مَرسِنا و مِموکان نام دأشتیدی.

استر 1:4

صد و هشتاد روزٚ تومام، خشایارشاه تومامی‌یٚ خو مال و منالَ و خو شکوه و جلالٚ پادشایی‌یَ به نمایش بنَه.

استر 2:18

بأزین پادشا استرٚ وأسی، ایتأ پیله‌دأنه مهمانی خو اَمیرأن و سردارأنٚ‌ره بیگیفته. هو روز خشایارشاه دستور بدَه کی تومامٚ ولایتأنٚ میأنی تعطیل ببه و خو کرَمٚ جأ مردومَ هدایایی فَده.

استر 3:7

دوازده سال خشایارشاه پادشایی جأ بوگوذشته‌بو کی ماهٚ نیسانٚ میأن کی اوّلی ماهٚ سال بو، هو وخت هر روز هامانٚ ورجأ «پور»، ینی قرعه، تأودَه‌ییدی و هَه کارَ هر ماه تا ماهٚ دوازدهم کی «اَدار» گفتیدی، ایدامه بدَه‌ییدی.

دانیال 5:1

بِلشَصَّر کی پادشا بو هیزار نفر جٚه خو پیله آدمأنٚ رِه ایتأ پیله‌دأنه مهمانی بر پا بوکوده و اوشأنٚ اَمرأ شراب بوخورده.

دانیال 5:28

‹پِرِس› ینی شیمی پادشایی تقسیم به و مادأن و پارسأنَ ببخشه به.»

دانیال 6:1

داریوش صلاح بدأنسته کی صد و بیست‌تأ اوستاندارَ تومامٚ خو مملکتٚ رِه تعیین بوکونه.

دانیال 8:20

او قوچٚ دو شاخی کی بیده‌یی نیشأنه‌یٚ مادأن و پارسأنٚ پادشایأن ایسه.

مَرقُس 6:21

بیلاخره خوروم موقع فأرسه. هیرودیس خو تولدٚ روزٚ رِه ایتأ پیله مهمانی بپا بوکوده و دربارٚ آدمأن و نظامی فرمانده‌یأن و جلیلٚ پیله کسأنَ دعوت بوکوده.