دانیال 9:7 - کیتاب مقدّس به گیلکی (رشتی)

⁷ «اَی سرور، عیدالت تی شینه ولی ایمروز اَمأن شرمنده‌ییم. اَمرَ کی یهودا مردومأن و اورشلیم و تومامٚ ایسرائیلٚ شین ایسیم، چی دور و چی نزدیک آوارَه کودی چره کی ترَ وفادار نیبیم.

دانیال 9:7 ပူးပေါင်းရင်းမြစ်များ

عِزرا 9:13

تومامٚ اَ بلایأن کی اَمی سر بمو، اَمی بدٚ کردکارأن و پیله گونایأنٚ وأسی بو، ولی بازم تو، اَی اَمی خودا، اَمرَ کمتر جٚه اَمی گونایأنٚ وأسی موجازات بوکودی، موجازاتی کی اَمی حق بو و وهشتی کی ایتأ عده جٚه اَمأن زنده بِئسیم.

عِزرا 9:15

اَی یهوه، ایسرائیلٚ خودا، تو عادلی، چره کی وهشتی ایتأ عیده جٚه اَمأن زنده بِئسیم، هوطو کی ایمروز دِئن‌دریمی. اَمأن اَمی گونایأنٚ اَمرأ تی ورجأ ایسَه‌ییم؛ اگه چی اَ حالٚ روزٚ میأن هیکس نتأنه اَ کردکارأنٚ اَمرأ، تی جُلُو بِئسه.»

دانیال 9:14

هَنٚ وأسی خوداوند فوری او بلایَ اَمی سر بأوردی، چونکی خوداوند، اَمی خودا کارأن همیشه عادلانه ایسه، ولی اَمأن اونٚ صدایَ گوش نوکودیم.

دانیال 9:18

اَی خودا، می گبأنَ گوش بدن و می دوعایَ بیشنأو. تی چومأنَ وأکون و اَمی ویرانَ بوسته شهرَ کی تی نام اونٚ رو نهَه، بیدین. اَمی پارسایی وأسی ترَ ایلتماس نوکونیمی، بلکی تی رحمتٚ عظیمٚ وأسی، اَ خوأسته‌یَ تی جأ دأریمی.

دانیال 9:8

اَی خوداوند، اَمأن و اَمی پادشایأن و پیله کسأن و اَمی پئرأن تی جُلُو شرمنده‌ییم، چونکی ترَ گوناه بوکودیم.