دانیال 9:1 - کیتاب مقدّس به گیلکی (رشتی)

¹ اوّلی سالی کی داریوش، خشایارشاه پسر کی نسلٚ ماد جأ بو، بابِلی‌یأنٚ مملکتٚ پادشا بوبوسته‌بو،

دانیال 9:1 ပူးပေါင်းရင်းမြစ်များ

عِزرا 4:6

وختی خشایارشاه پادشا بوبوسته، اَوایلٚ اون سلطنت، قومٚ دوشمنأن اونٚ رِه ایتأ عرضٚ حال، یهودا و اورشلیمٚ مردومأنٚ ضد بینیویشتیدی.

استر 1:1

اَ پیشامدأن هو زمانی ایتفاق دکفته کی خشایارشاه، صد و بیست و هفت ولایتَ حکومت کودی، کی جٚه هندوستانٚ مرز تا جنوبٚ مصر بو

دانیال 1:21

و دانیال تا اوّلی سالٚ کوروشٚ کبیرٚ شاهنشاهی، دربارٚ دورون خدمت کودی.

دانیال 1:4

اَ جوانأن، وأستی بی‌عیب و نقص، خوش بر رو، و یاد گیفتنٚ وأسی زبر و زرنگ، دانا و فهیم بیبید و بابِلی زوان و ادبیاتَ یاد بیگیرید تا بتأنید پادشا کاخٚ دورون خدمت بوکونید.

دانیال 11:1

بأزین فرشته بوگفته: «اوّلی سالٚ داریوشٚ مادی حکومت، من میکائیلٚ ورجأ بِیسم کی اونٚ جأ حمایت و موحافظت بوکونم.

دانیال 5:31

و داریوش کی قومٚ مادٚ جأ بو و دور و برٚ شصت و دو سال دأشتی، به سلطنت فأرسه.

دانیال 6:1

داریوش صلاح بدأنسته کی صد و بیست‌تأ اوستاندارَ تومامٚ خو مملکتٚ رِه تعیین بوکونه.

دانیال 6:28

هَنٚ وأسی دانیال، داریوش و کوروشٚ پارسی سلطنتٚ میأن موفق بو.