دانیال 8:7 - کیتاب مقدّس به گیلکی (رشتی)

⁷ بأزین بیدم کی غیظٚ اَمرأ او قوچَ حمله بوکوده و اونٚ کله بزه و اونٚ دوتأ شاخَ بشکنه. او قوچ دِه جان نأشتی اونٚ جُلُو بِیسه. پس بوز اونَ تأودَه زیمینٚ سر و لقد مال بوکوده. هیکسم نتأنستی او قوچَ اونٚ دسٚ جأ نجات بده.

دانیال 8:7 ပူးပေါင်းရင်းမြစ်များ

دانیال 11:11

«او وخت جنوبٚ پادشا غیظٚ مره بیرون اَیه و شومالٚ پادشا اَمرأ جنگ کونه. شومالٚ پادشا ایتأ پیله‌دأنه لشکرَ اوسه کونه ولی شکست خوره.

دانیال 7:12

ایقتدار جٚه الباقی او جانورأن فیگیفته بوبوسته ولی ایجازه دأشتیدی ایتأ مدت زنده بمأنید.

دانیال 7:7

«بأزین می رویا دورون چارمی جانورَ بیدم کی وحشتناک و ترسناک و پور قوّت بو. پیله گازأنی آهینٚ جأ دأشتی و همه چی‌یَ فٚوٚرستی و خوردَ کودی. هرچی کی بمأنسته‌بو، خو پا جیر لقد مالَ کودی. او جانور الباقی جانورأنٚ اَمرأ فرق کودی، اون ده‌تأ شاخ دأشتی.

دانیال 8:10

و اَنقدر قوی بوبوسته کی آسمانٚ لشکرَ فأرسه و چن‌تأ آسمانٚ لشکرَ و چن‌تأ ستاره‌یأنَ تأودَه زیمینٚ سر و پامالَ کوده.

دانیال 8:6

اون خو خشمٚ و قودرتٚ اَمرأ بودُوٚسته بوشو او قوچٚ دو شاخٚ طرف کی روخان کنار بیده‌بوم.

دانیال 8:8

او نرٚ بوز قویترَ بوسته ولی وختی کی اونٚ قوّت ویشترَ بوسته، اونٚ پیله‌دأنه شاخ بشکفته و چارتأ چوم‌دکفٚ شاخٚ دیگر اونٚ جا سر، به سمتٚ چار طرفٚ بادأنٚ آسمان بوجور بمو.