دانیال 8:4 - کیتاب مقدّس به گیلکی (رشتی)

⁴ و بیدم او قوچ مغرب، شومال و جنوبٚ طرف شاخ زه‌یی و هیچ جانوری نتأنستی اونٚ جُلُو بِیسه و هیکس نتأنستی کسی‌یَ اونٚ دسٚ جأ نجات بده. هرچی اونٚ دیل خوأستی کودی و قویترَ بوستی.

دانیال 8:4 ပူးပေါင်းရင်းမြစ်များ

ایوب 10:7

اگرچی تو دأنی کی من گوناهی نوکودم، و کسی نتأنه مرَ تی دسٚ جأ نجات بده.

مزامیر 7:2

نوکونه کی شیرٚ مأنستن مرَ تیکه تیکَه کونید و می جانَ تیکه پارَه کونید و کسی نِیسه کی مرَ نجات بده.

دانیال 11:16

شومالٚ پادشا هر چی اونٚ دیل خوأیه، کونه و هیکس نتأنه اونٚ جُلُو بِیسه. اون، قشنگٚ سرزیمینٚ دورون ایسه و اَ قودرتَ دأره کی اونَ ویرانَ کونه.

دانیال 11:36

«شومالٚ پادشا هرچی اَنٚ دیل خوأیه کونه. اون خورَه جٚه تومامٚ خودایأن بوجورتر دأنه و ضدٚ خودایٚ خودایأن، عجیب و غریبٚ گب زنه و اَ کارأنَ ایدامه دهه، تا زمأنی کی اونٚ وختٚ موجازات فأرسه چره کی هر چی تعیین بوبوسته، ایتفاق دکفه.

دانیال 5:19

اَ پیله مقامٚ وأسی کی خودا اونَ فدَه‌بو، مردومأن جٚه تومامٚ میلتأن، قومأن و زبانأن اونٚ جأ ترس و وحشت دأشتیدی. شیمی پئر تأنستی هر کسی‌یَ کی اونٚ دیل خوأستی، بوکوشه و یا اونَ زنده بدأره. هر کسَ خوأستی سر بولندَ کودی ویا اونَ پستَ کودی.

دانیال 5:30

هو شب بِلشَصَّر، پادشایٚ کلدانیأن، بوکوشته بوبوسته

دانیال 7:5

«دوّمی جانورَ بیدم کی خرسٚ مأنستن بو. اون ایتأ شانه بوجور، ایتأ شانه بیجیر ایپچه راستَ بوسته و سه‌تأ دنده خاشأنَ به گاز دأشتی. ایتأ صدا اونَ بوگفته: ‹ویریز، هر چی تأنی گوشت بوخور.›

دانیال 8:7

بأزین بیدم کی غیظٚ اَمرأ او قوچَ حمله بوکوده و اونٚ کله بزه و اونٚ دوتأ شاخَ بشکنه. او قوچ دِه جان نأشتی اونٚ جُلُو بِیسه. پس بوز اونَ تأودَه زیمینٚ سر و لقد مال بوکوده. هیکسم نتأنستی او قوچَ اونٚ دسٚ جأ نجات بده.