دانیال 8:3 - کیتاب مقدّس به گیلکی (رشتی)

³ هَطویی کی فندرستیم، ایدفعه‌یی روخان کنار ایتأ قوچَ بیدم کی دوتأ درازٚ شاخ دأشتی و اونی کی درازتر بو دِئرتر بیرون بمو.

دانیال 8:3 ပူးပေါင်းရင်းမြစ်များ

عِزرا 1:2

«کوروش، پارسٚ پادشا، اَطو فرمأیه: یهوه، آسمانأنٚ خودا، تومامٚ دونیا سرزیمینأنَ می دس بیسپرده و مرَ فرمان بدَه اورشلیمٚ میأن کی یهودا اوستانٚ دورون نهَه، ایتأ معبد اونٚ رِه چأکونم.

عِزرا 4:5

و مشاورأنی‌یَ اَجیر کودیدی تا یهودا قوم نتأنید خوشأنٚ مقصود و منظورَ دونبأل بیبید. اَ کارأن تومامٚ زمأتی کی کوروش، پارسٚ پادشا بو تا داریوش پادشایی ایدامه دأشتی.

استر 1:3

سومی سالٚ خو حکومت، ایتأ پیله‌دأنه مهمانی خو اَمیرأن و سردارأنٚ‌ره برپا بوکوده کی پارس و مادٚ فرمانده‌یأنٚ نظامی، نجیب زاده‌یأن و ولایتأنٚ فرماندارأن اویه ایسَه‌بید.

دانیال 10:5

وختی بوجورَ فندرستم، ایدفعه‌یی ایتأ مردأکی‌یَ بیدم کی لیباسی کتانٚ جأ دوکوده‌بو و ایتأ کمردود طلای نابٚ جأ دٚوٚسته‌بو.

دانیال 2:39

«بعدٚ شومأن، ایتأ سلطنتٚ دیگر ظوهور کونه کی شیمی سلطنتٚ جأ بیجیرتره. بأزین سوّمی سلطنت کی برنزٚ مأنستنه بر تومامٚ دونیا حکومت کونه.

دانیال 5:31

و داریوش کی قومٚ مادٚ جأ بو و دور و برٚ شصت و دو سال دأشتی، به سلطنت فأرسه.

دانیال 6:28

هَنٚ وأسی دانیال، داریوش و کوروشٚ پارسی سلطنتٚ میأن موفق بو.

دانیال 7:5

«دوّمی جانورَ بیدم کی خرسٚ مأنستن بو. اون ایتأ شانه بوجور، ایتأ شانه بیجیر ایپچه راستَ بوسته و سه‌تأ دنده خاشأنَ به گاز دأشتی. ایتأ صدا اونَ بوگفته: ‹ویریز، هر چی تأنی گوشت بوخور.›

دانیال 8:2

می رویا میأن بیدم کی شوشٚ قلعه میأن، اوستانٚ عیلامٚ دورون، اونٚ روخانٚ کنار ایسَم کی «اولای» نام دأره.

دانیال 8:20

او قوچٚ دو شاخی کی بیده‌یی نیشأنه‌یٚ مادأن و پارسأنٚ پادشایأن ایسه.