دانیال 8:1 - کیتاب مقدّس به گیلکی (رشتی)

¹ بِلشَصَّرٚ سلطنتٚ سوّمی سالٚ دورون، من دانیال، بعدٚ او اوّلی رویا کی مرَ آشکارَ بوسته‌بو، ایتأ رویایٚ دیگر بیدم.

دانیال 8:1 ပူးပေါင်းရင်းမြစ်များ

دانیال 1:17

خودا اَ چارتأ جوانَ دانش و درکی جٚه تومامی‌یٚ ادب و حکمت عطا بوکوده و دانیالَ فهمستنٚ رویایأن و خوابأنٚ جورواجورم ببخشه.

دانیال 10:2

او روزأنٚ دورون، من، دانیال، سه هفته تومام ماتم بیگیفتم

دانیال 10:7

من، دانیال تنهایی او رویایَ بیدم. اوشأنی کی می اَمرأ بید اونَ نیده‌ییدی ولی اَنقدر ترس اوشأنٚ جان دکفته کی فرار بوکودید تا خوشأنَ جیگا بوخورید.

دانیال 11:4

ولی وختی در اوجٚ قودرت ایسه، اونٚ حکومت پاشیدَه به و آسمانٚ چار طرفٚ بادأنٚ اَمرأ تقسیم به. اونٚ نسل، اونٚ حکومت و اونٚ قودرتَ ارث نبره، چره کی اونٚ پادشایی ریشه جأ بکنده به و دیگرأنَ فَده به.

دانیال 7:1

اوّلی سالٚ سلطنتٚ بِلشَصَّر، بابِلٚ پادشا بو کی رختخوابٚ میأن، دانیالٚ سرٚ جأ رویایأنی بوگوذشته و ایتأ خواب بیده. پس خو خوابٚ خولاصه‌یَ اَطویی بینیویشته

دانیال 7:15

«من، دانیال می روح پریشأنَ بوسته و رویایی کی می سرٚ جأ بوگوذشته مرَ بترسأنه.

دانیال 7:28

«هَن بو خوابی کی من بیدم. من، دانیال، می فیکرأنٚ جأ خیلی پریشأنَ بوستم و می رنگ و رو بپرسته، ولی می خوابَ هیکسَ نوگفتم.»

دانیال 8:15

وختی من، دانیال، اَ رویایَ بیدم و تلاش کودیم کی اونٚ تعبیرَ بفهمم، ایدفعه‌یی اینفرَ بیدم کی اینسأنٚ مأنستن بو و می جُلُو به پا ایسَه

دانیال 8:2

می رویا میأن بیدم کی شوشٚ قلعه میأن، اوستانٚ عیلامٚ دورون، اونٚ روخانٚ کنار ایسَم کی «اولای» نام دأره.

دانیال 9:2

من، دانیال، خودا کلامَ کی اِرمیایٚ نبی‌یَ الهام بوبوسته‌بو، بخوأندم و بفهمستم کی اورشلیم وأ هفتاد سال ویران بمأنه.