دانیال 7:9 - کیتاب مقدّس به گیلکی (رشتی)

⁹ «هَطویی کی اَ چیزأنَ دَئن دوبوم، «تختأنی به پا بوبوسته و ‹قدیم‌الایام› خو تختٚ رو بینیشته. اونٚ لیباسأن ورفٚ مأنستن سیفید و اونٚ سرٚ مو پشمٚ پاکٚ مأنستن بو. اونٚ تختٚ جأ شُواله‌یٚ آتش ویریشتی و اونٚ چرخأنٚ جأ آتش ول زه‌یی.

دانیال 7:9 ပူးပေါင်းရင်းမြစ်များ

دانیال 7:13

«او شب می خوابٚ میأن اینفرَ بیدم کی اینسأنٚ پسر مأنستن بو و آسمانٚ ابرأنٚ رو اَمون دوبو. وختی فأرسه، اونَ ‹قدیم‌الایامٚ› حوضور ببردیدی

دانیال 7:22

تا وختی کی ‹قدیم‌الایام› بمو و داوری به نفعٚ او موتعالٚ موقدسأن اجرا بوبوسته. بأزین زمأنی فأرسه کی پادشایی‌یَ به دسَ گیفتیدی.

متّی 17:2

اویه اوشأنٚ ورجأ، اونٚ لیباسأن و اونٚ دیمٚ رنگ وأگردسته؛ اونٚ رنگ و رو خورشیدٚ مأنستن تابستی و اونٚ لیباسأنم نورٚ مأنستن سیفیدَ بوسته‌بو.

متّی 28:3

او فرشته دیم برق زه‌یی و اونٚ لیباس ورفٚ مأنستن سیفید بو.

مَرقُس 9:3

اونٚ رخت و لیباس سیفیدی جأ برق زه‌یی، جوری کی دونیا دورون هیکس نتأنه رخت و لیباسَ اوطو سیفیدَ کونه.

اعمالٚ رسولأن 2:30

ولی اون، پیغمبر بو و دأنستی کی خودا اونٚ‌ره قسم بوخورده‌بو کی اینفرَ جٚه اونٚ نسل، سلطنتٚ تختٚ سر نیشأنه.

اعمالٚ رسولأن 2:33

اون خودا راستٚ دسٚ ورجأ نیشته و روح‌القدسَ کی پئر وعده بده‌بو، فیگیفته و اونَ خو شاگردأنَ فَده کی هسأ شومأن اونٚ نتیجه‌یَ دینیدی و ایشنَویدی،

فیلیپیان 3:9

و در اون بیأفته ببم، نه خودمٚ پارسایی اَمرأ کی شریعتٚ جأ ایسه، بلکی او پارسایی‌یی کی مسیحَ ایمأن اَوردنٚ جأ بدس اَیه، او پارسایی‌یی کی خودا جأ ایسه و اونٚ پایه ایمانه.