دانیال 7:8 - کیتاب مقدّس به گیلکی (رشتی)

⁸ «هوطو کی اونٚ شاخأنَ فندرستن دوبوم، بیدم ایتأ کوجه‌دأنه شاخ اوشأنٚ میأن بوجور اَمون دره کی او سه‌تأ شاخأنٚ قبلی‌یَ بیخٚ جأ بکنده. اَ شاخ، چومأنی، اینسأنٚ چومأنٚ مأنستن دأشتی و دهنی کی پیله پیله گب زه‌یی.

دانیال 7:8 ပူးပေါင်းရင်းမြစ်များ

مزامیر 12:3

ببه کی خوداوند تومامٚ لبأنی کی الکی قوربأن صدقه شیدی وأوینه و زوانی کی گولازٚ اَمرأ گب زنه،

دانیال 11:36

«شومالٚ پادشا هرچی اَنٚ دیل خوأیه کونه. اون خورَه جٚه تومامٚ خودایأن بوجورتر دأنه و ضدٚ خودایٚ خودایأن، عجیب و غریبٚ گب زنه و اَ کارأنَ ایدامه دهه، تا زمأنی کی اونٚ وختٚ موجازات فأرسه چره کی هر چی تعیین بوبوسته، ایتفاق دکفه.

دانیال 7:19

«بأزین اونٚ جأ وأورسم: ‹او چارمی جانورٚ مفهوم چیسه کی الباقی جانورأنٚ اَمرأ فرق کودی و خیلی ترسناک بو و گازأنی آهینٚ جأ و چنگالٚ برنزی دأشتی و همه چی‌یَ فٚوٚرستی و خوردَ کودی، و اونچی کی بمأنسته‌بو خو پا جیر پامالَ کودی.›