دانیال 7:5 - کیتاب مقدّس به گیلکی (رشتی)

⁵ «دوّمی جانورَ بیدم کی خرسٚ مأنستن بو. اون ایتأ شانه بوجور، ایتأ شانه بیجیر ایپچه راستَ بوسته و سه‌تأ دنده خاشأنَ به گاز دأشتی. ایتأ صدا اونَ بوگفته: ‹ویریز، هر چی تأنی گوشت بوخور.›

دانیال 7:5 ပူးပေါင်းရင်းမြစ်များ

دانیال 11:2

«هسأ ایتأ حقیقتَ ترَ گم: سه‌تأ پادشایٚ دیگر، پارسٚ سرزیمینٚ دورون ویریزیدی و بأزین، چارمی پادشا اَیه کی تومامٚ اوشأنٚ جأ خیلی ثروتمندتر به و اونٚ مال و منال باعیث به کی اون قودرتمند ببه و همه‌تأنَ به ضدٚ یونانٚ حکومت انتریکَ بوکونه.

دانیال 2:39

«بعدٚ شومأن، ایتأ سلطنتٚ دیگر ظوهور کونه کی شیمی سلطنتٚ جأ بیجیرتره. بأزین سوّمی سلطنت کی برنزٚ مأنستنه بر تومامٚ دونیا حکومت کونه.

دانیال 5:28

‹پِرِس› ینی شیمی پادشایی تقسیم به و مادأن و پارسأنَ ببخشه به.»

دانیال 7:4

اوّلی شیرٚ نرٚ مأنستن بو کی عقابٚ پر و بالَ دأشتی. هَطو کی فندرستن دوبوم، اونٚ پر و بال بکنده بوبوسته، و اونَ زیمینٚ جأ ویریزأنه‌ییدی و آدمأنٚ مأنستن اونَ دوتأ پایأنٚ سر به پا بدأشتیدی و اینسأنٚ دیل اونَ فدَه بوبوسته.

دانیال 7:6

«بأزین، سومی جانورَ بیدم کی پلنگٚ مأنستن بو. خو پوشتٚ سر، چارتأ بال دأشتی کی اونٚ بالأن پرنده بالأنٚ مأنستن بو. اون چارتأ سر دأشتی و حکومت اونَ فَده بوبوسته.