دانیال 6:4 - کیتاب مقدّس به گیلکی (رشتی)

⁴ هَنٚ وأسی وزیرأن و اوستاندارأن بهانه دونبأل گردستیدی کی دانیالٚ حکومتی کارأنٚ وأسی اونٚ جأ شکایت بوکونید ولی نتأنستیدی هیچ بهانه‌یی جورَ کونید کی اونَ محکوم بوکونید چونکی دانیال امین بو و هیچ خطا یا ایشتباهی اونٚ جأ سر نزه‌یی.

دانیال 6:4 ပူးပေါင်းရင်းမြစ်များ

پیدایش 41:38

پس فرعون خو خادمأنَ وَورسه: «اَمأن کویه تأنیم اَجور آدمَ پیدا بوکونیم کی خودا روحَ بدأره؟»

پیدایش 43:18

وختی کی اوشأنَ ببردیدی یوسفٚ خانه دورون، بترسه‌ییدی، کس‌کسَ بوگفتیدی: «اَمرَ بأوردیدی اَیه او پولٚ وسی کی اوّلی دفعه اَمی خورجینأنَ دورون نهَه‌بو، کی وخت بدأرید اَمرَ حمله بوکونید، اَمرَ خوشأنٚ برده چأکونید و اَمی اولاغأنَ صاحاب بیبید.»

دانیال 3:8

او وخت چند نفر اُسطُرلابچی بموییدی جُلُو و یوهودیأنٚ جأ شکایت بوکودیدی.

دانیال 5:12

چره کی اون ایتأ ذهنٚ عالی دأشتی و حکیم و دانا بو و تأنستی خوابأنَ تعبیر بوکونه، معمایأنَ حل بوکونه و پیله موشکلأنٚ رِه چاره بیأفه. اون دانیال نام دأشتی تا کی پادشا اونَ بَلطَشَصَّر نام بنَه. فرمان بده کی اونَ بأورید تا اَ دس نیویشته‌یَ تِره معنی بوکونه.»

دانیال 6:22

می خودا خو فرشته‌یَ اوسه کوده کی شیرأنٚ دهنَ دَوده تا مرَ زخمی نوکونید چون خودا ورجأ بی‌گوناه بوم و هَطویم، اَی پادشا، شیمی ورجأ، هی ذره ایشتباه نوکودم.»

متّی 26:4

و جلسه بیگیفتیدی کی چوطو دوز و کلکٚ اَمرأ عیسایَ دسگیرَ کونید و اونَ بوکوشید.

متّی 27:18

اَ گبَ بزه چونکی دأنستی عیسایَ جٚه حسودی تحویل بدَه‌ییدی.

لوقا 20:20

بأزین دینٚ علما و پیله کاهنأن ایتأ فرصت دونبأل گردستی کی اونٚ گبأنٚ جأ ایتأ بهانه بیأفید. هَنٚ وأسی چن نفرَ کی خوشأنَ دیندار نیشأن بدَه‌ییدی مأمورٚ مخفی چأکودید و عیسی ورجأ اوسه کودید کی اونٚ گبأنٚ جأ اونٚ ضد استفاده بوکونید تا بهانه‌یی ببه کی رومی فرماندارٚ ورجأ اونَ گوناهکار نیشأن بدید.

لوقا 20:26

هَطویی بو کی اوشأنٚ تلاش، عیسی بدام تأودنٚ وأسی بی‌ثمر بمأنسته و چون عیسی جوابٚ جأ تعجب بوکودیدی، نتأنستید دِه گبی بزنید.

لوقا 22:2

و پیله کاهنأن و دینٚ علما ایتأ رأ دونبأل گردستیدی کی عیسایَ بوکوشید، چونکی مردومٚ شورش کودنٚ جأ ترسه‌ییدی.

یوحنا 19:4

بعد از اون، پیلاطس ایبارٚ دیگر بیرون بمو و یهودیأنَ بوگفته: «من اونَ شیمی ورجه بیرون اَورم تا بدأنید کی هیچ دلیلی اونٚ محکوم کودنٚ‌ره پیدا نوکودم.»

فیلیپیان 2:15

کی بی غلٚ غش و بی شیله پیله و خودا بی‌عیب و ایرادٚ زأکأن بیبید، نسلی دورون کی کج شوئون‌دره و جٚه رأ بٚدٚره کی شومأن اوشأنٚ میأن هَچین ستاره‌یأنٚ مأنستن اَ دونیا دورون نور دتأوأنیدی،

۱پطرس 2:12

شیمی کردار بی‌ایمأنأنٚ میأن وأ جوری خُب ببه کی با اَنکی شمرَ بدکار دأنیدی، او روزی کی خودا قراره بأیه، شیمی خوروم کارأنٚ دِئنٚ وأسی، خودایَ جلال بدید.

۱پطرس 3:16

شیمی ویجدانَ راحت بدأرید تا اوشأنی کی درباره‌یٚ شیمی خوروم کارأنی‌یَ کی مسیحٚ وأسی انجام دیهید، ناجورٚ گبأن زنیدی، خوشأنٚ گبأنٚ وأسی شرمنده بیبید.