دانیال 6:3 - کیتاب مقدّس به گیلکی (رشتی)

³ پادشا خوأستی دانیالَ مسئولٚ تومامٚ خو مملکت چأکونه چونکی الباقی وزیرأن و استاندارأنٚ جأ باهوشتر و داناتر بو.

دانیال 6:3 ပူးပေါင်းရင်းမြစ်များ

عِزرا 4:22

شیمی حواس جم ببه کی اَ کارٚ میأن دس دس نوکونید، نوکونه اَ کارٚ میأن ضرر و زیان زیادَ به کی پادشا ضرر بیدینه؟»

استر 10:3

مردخایٚ یهودی، بعدٚ خشایارشاه، دوّمی کس مملکتٚ میأن بو. اون یهودیأنٚ میأنی خوره پیله کس بوبوسته و خو هم قومأنٚ دورون کی اوشأنٚ تعدادم زیاد بو، خیلی ایحترام دأشتی، چره کی مردخای خو قومٚ خوشبختی وأسی تلاش کودی و اوشأنٚ رِه صلح و صفا جأ گب زه‌یی.

دانیال 5:12

چره کی اون ایتأ ذهنٚ عالی دأشتی و حکیم و دانا بو و تأنستی خوابأنَ تعبیر بوکونه، معمایأنَ حل بوکونه و پیله موشکلأنٚ رِه چاره بیأفه. اون دانیال نام دأشتی تا کی پادشا اونَ بَلطَشَصَّر نام بنَه. فرمان بده کی اونَ بأورید تا اَ دس نیویشته‌یَ تِره معنی بوکونه.»

دانیال 5:14

بیشنأوستم خودایأنٚ روحَ دأری و بینش، هوش و حکمتٚ خاصی دأری.

دانیال 5:7

فریاد بزه کی تومامٚ افسونگرأن و اُسطُرلابچی‌یأن و طالع‌بینأنَ بأورید و اون، بابِلٚ حکیمأن بوگفته: «هر کی بتأنه اَ بینیویشته‌یَ بخوأنه و مِره تعبیر بوکونه، دستور دهم ارغوانی ردای اونَ دوکونید و طوقٚ طلا اونٚ گردن تأودید، بأزین اون سوّمی حاکمٚ مملکت به.»

دانیال 9:23

هو وخت کی دوعا کودَن دیبی، خودا تی جوابَ بدَه و من بموم ترَ وأخبرَ کونم، چونکی تو خودا رِه خیلی عزیزی. هسأ اَ رویایَ دقتٚ اَمرأ گوش بدن تا رویایی کی بیده‌یی بفهمی: