دانیال 6:2 - کیتاب مقدّس به گیلکی (رشتی)

² و سه‌تأ وزیرم اینتخاب بوکوده کی اوشأنَ نظارت بوکونید کی دانیال ایتأ جٚه اوشأن بو. پادشا دستور بدَه کی تومامٚ اوستاندارأن، وأستی او وزیرأنَ حیساب کیتاب پس بدید تا پادشا ضرر و زیانی نیدینه.

دانیال 6:2 ပူးပေါင်းရင်းမြစ်များ

عِزرا 4:22

شیمی حواس جم ببه کی اَ کارٚ میأن دس دس نوکونید، نوکونه اَ کارٚ میأن ضرر و زیان زیادَ به کی پادشا ضرر بیدینه؟»

استر 7:4

چره کی من و می قوم بوفروخته بوبوستیم تا کشته و نابود بیبیم. اگه تنها نوکری و کلفتی وأسی بوفروخته بوبوستیم، می دهنَ دٚوٚستیم، چونکی اَمی مصیبت پادشا ضررٚ ورجأ هیچی به حیساب نأیه.»

دانیال 5:16

بیشنأوستم کی تو تأنی رازأنَ تعبیر بوکونی و پیله موشکلأنٚ رِه چاره بیأفی. هسأ اگه بتأنی اَ بینیویشته‌یَ بخوأنی و اونَ معنی بوکونی، بأزین تأنی ارغوانی ردایَ دوکونی، طلایی طوقَ تی گردن تأودی و سوّمی حاکمٚ مملکت بیبی.»

دانیال 5:29

بأزین بِلشَصَّر فرمان بدَه دانیالَ ارغوانی ردا دوکونید، طلایی طوقَ اونٚ گردن تأودید و اعلام بوکونید کی اون، سومی حاکمٚ مملکت بوبوسته.

دانیال 5:7

فریاد بزه کی تومامٚ افسونگرأن و اُسطُرلابچی‌یأن و طالع‌بینأنَ بأورید و اون، بابِلٚ حکیمأن بوگفته: «هر کی بتأنه اَ بینیویشته‌یَ بخوأنه و مِره تعبیر بوکونه، دستور دهم ارغوانی ردای اونَ دوکونید و طوقٚ طلا اونٚ گردن تأودید، بأزین اون سوّمی حاکمٚ مملکت به.»

دانیال 6:1

داریوش صلاح بدأنسته کی صد و بیست‌تأ اوستاندارَ تومامٚ خو مملکتٚ رِه تعیین بوکونه.

متّی 18:23

هَنٚ وأسی آسمانٚ پادشایی ایتأ شاه مأنستن ایسه کی تصمیم بیگیفته خو خادمأنٚ مره تسویه حیساب بوکونه.

لوقا 16:2

ارباب خو مباشرَ دوخوأده و وأورسه: ‹اَن چی گبأنی ایسه کی تی جأ می گوش فأرسه، کی می اموالَ حیف و میل کونی؟ تی حیساب کیتابأنَ پس بدن! دِه نتأنی می مباشر بیبی.›