دانیال 5:6 - کیتاب مقدّس به گیلکی (رشتی)

⁶ اونٚ رنگ و رو بپرسته و اَنقدر بترسه کی اونٚ پایأن سوستَ بوستید و اونٚ زانویأن اَنقدر پرکستیدی کی به هم خوردیدی.

دانیال 5:6 ပူးပေါင်းရင်းမြစ်များ

مزامیر 22:14

آبٚ مأنستن فووُستم، و تومامٚ می خاشأن کس‌کسٚ جأ سیوأ بوبوستید. می دیل مومٚ مأنستن می اندرونٚ میأنی آبَ بوسته.

دانیال 2:1

نبوکدنصر، خو دوّمی سالٚ سلطنتٚ دورونی، ایتأ خواب بیده کی اونٚ روح و روان، پریشأنَ بوسته و دِه نتأنسته بوخوسه.

دانیال 3:19

نبوکدنصر وختی اوشأنٚ گبأنَ بیشنأوسته اونَ خیلی غیظَ گیفته و اونَ آتش گیفتَن دوبو. دستور بده آتشَ جٚه اونچی کی معمول بو، هفت برابر ویشتر داغَ کونید

دانیال 4:19

بأزین دانیال کی اونَ بَلطَشَصَّرم دوخوأدیدی، مدتی قاقَ بوسته و اونٚ فیکرأن اونَ پریشأنَ کوده. هَنٚ وأسی پادشا دانیالَ بوگفته: «اَی بَلطَشَصَّر، ونأل او خواب و اونٚ تعبیر ترَ پریشأنَ کونه.» بَلطَشَصَّر جواب بدَه: «اَی سرور، آرزو کونم کی اَ خواب شیمی دوشمنأنٚ رِه و اونٚ تعبیر شیمی بدخوأهأنٚ رِه ببه.

دانیال 4:5

تا اَنکی ایتأ خواب بیدم کی مرَ بترسأنه و هوطویی کی می تختخوابٚ میأن خوفته‌بوم، او رویا فیکرأن مرَ سخت به وحشت تأوده.

دانیال 5:5

پادشا قصرٚ دورون، دیوارٚ گچٚ سر چراغدأنٚ روبرو، ایدفعه‌یی ایتأ اینسأنٚ دسٚ پنجه ظاهیرَ بوسته. وختی پادشا او دسَ بیده کی نیویشتن دوبو،

دانیال 7:28

«هَن بو خوابی کی من بیدم. من، دانیال، می فیکرأنٚ جأ خیلی پریشأنَ بوستم و می رنگ و رو بپرسته، ولی می خوابَ هیکسَ نوگفتم.»