دانیال 5:5 - کیتاب مقدّس به گیلکی (رشتی)

⁵ پادشا قصرٚ دورون، دیوارٚ گچٚ سر چراغدأنٚ روبرو، ایدفعه‌یی ایتأ اینسأنٚ دسٚ پنجه ظاهیرَ بوسته. وختی پادشا او دسَ بیده کی نیویشتن دوبو،

دانیال 5:5 ပူးပေါင်းရင်းမြစ်များ

ایوب 20:5

شرورٚ آدمأنٚ شادی زیاد طول نکشه، و خودا نشنأسأنٚ خوشی ایتأ لحظه ویشتر نی‌یه؟

دانیال 4:31

اونٚ گب هنوز تومامَ نوبوسته‌بو کی ایتأ صدا آسمانٚ جأ بمو کی بوگفته: «اَی نبوکدنصرٚ پادشا، اَنَ بدأن کی حکومت تی جأ فیگیفته بوبوسته.

دانیال 4:33

ایدفعه‌یی او گبأن نبوکدنصرٚ رِه ایتفاق دکفته و اونَ جٚه مردومأنٚ میأن بیرون تأودَه‌یید. گابأنٚ مأنستن علف خوردی و آسمانٚ ایاز اونٚ بدنَ هیستَ کودی تا اونٚ مویأن، عقابٚ پرأنٚ مأنستن درازَ بوستیدی و اونٚ ناخونأن پرنده‌یأنٚ چنگلأنٚ مأنستن بوبوسته.

دانیال 5:15

حکیمأن و افسونگرأنَ بأوردیدی می ورجأ کی اَ بینیویشته‌یَ مِره بخوأنید و معنی بوکونید ولی اوشأن نتأنستیدی اَ کارَ بوکونید.

دانیال 5:4

هَطویی کی شراب خوردن دیبید، خودایأنی‌یَ کی طلا، نقره، برنز، آهین، چوب و سنگٚ جأ بید، ستایش کودیدی.

دانیال 5:6

اونٚ رنگ و رو بپرسته و اَنقدر بترسه کی اونٚ پایأن سوستَ بوستید و اونٚ زانویأن اَنقدر پرکستیدی کی به هم خوردیدی.

دانیال 5:8

تومامٚ پادشا حکیمأن بموییدی؛ ولی هیکس نتأنسته او بینیویشته‌یَ بخوأنه و پادشا رِه معنی بوکونه.