دانیال 5:4 - کیتاب مقدّس به گیلکی (رشتی)

⁴ هَطویی کی شراب خوردن دیبید، خودایأنی‌یَ کی طلا، نقره، برنز، آهین، چوب و سنگٚ جأ بید، ستایش کودیدی.

دانیال 5:4 ပူးပေါင်းရင်းမြစ်များ

دانیال 1:8

ولی دانیال خو اَمرأ تصمیم بیگیفته کی دربارٚ خوراک و شرابٚ اَمرأ خوره نجستَ نوکونه. پس اَشفِنازٚ جأ اَ کارٚ وأسی ایجازه بخوأسته.

دانیال 4:37

هسأ من، نبوکدنصر، پادشا آسمانأنَ ستایش کونم، اونَ حمد و سپاس گم و اونَ جلال دهم، چره کی اونٚ تومامٚ کارأن، حق و اونٚ تومامٚ رأیأن، عیدالته. اون تأنه کسأنی‌یَ کی غرورٚ اَمرأ رفتار کونیدی ذلیل و خوار کونه.

دانیال 5:23

شومأن ضدٚ خوداوندٚ آسمانأن، خودتأنَ بوجور ببردید و اونٚ خانه ظرفأنَ شِمرِه بأوردیدی اَیه و شیمی پیله آدمأن، زنأکأن و حرمسرا زنأکأنٚ اَمرأ اوشأنٚ دورون شراب بوخوردیدی و خودایأنٚ طلایی، نقره‌یی، برنزی، آهینی، چوبی و سنگی‌یَ کی نه دینیدی، نه ایشنأویدی و نه فهمیدی، پرستش بوکودیدی. ولی خودایی‌یَ کی شیمی نَفَس و کارأن اونٚ دسٚ دورون نهَه، ایحترام ننَه‌ییدی.

دانیال 5:3

پس او طلایی جامأنَ بأوردیدی کی اورشلیمٚ معبدٚ جأ اوسأده بوبوسته‌بید و پادشا، اونٚ پیله آدمأن، اونٚ زنأکأن و حرمسرا زنأکأن اوشأنٚ دورون شراب بوخوردیدی.

دانیال 5:5

پادشا قصرٚ دورون، دیوارٚ گچٚ سر چراغدأنٚ روبرو، ایدفعه‌یی ایتأ اینسأنٚ دسٚ پنجه ظاهیرَ بوسته. وختی پادشا او دسَ بیده کی نیویشتن دوبو،

اعمالٚ رسولأن 17:29

«چونکی جٚه نسلٚ خوداییم، شایسته نی‌یه کی فیکر بوکونیم خودا ذاتٚ الهی، مجسمه‌یٚ طلا، نقره یا سنگی اَمرأ برابر ایسه کی به دسٚ هنرمند و سازنده‌یٚ ایتأ اینسأن اختراع یا چأکوده‌بوبوسته.