دانیال 5:2 - کیتاب مقدّس به گیلکی (رشتی)

² اونٚ پیله پئر، نبوکدنصر پادشا، اورشلیمٚ معبدٚ جأ جامأنٚ طلا و نقره اوسأده‌بو. بِلشَصَّر هَطویی کی شراب خوردن دوبو، دستور بدَه او جامأنَ بأورید تا خودش و اونٚ پیله آدمأن، زنأکأن و حرمسرا زنأکأن اوشأنٚ دورون شراب بوخورید.

دانیال 5:2 ပူးပေါင်းရင်းမြစ်များ

عِزرا 5:14

و هَطویم معبدٚ طلا و نقره ظرفأنَ کی نبوکدنصر، اورشلیمٚ معبدٚ جأ اوسأده‌بو و ببرده‌بو بابِلٚ معبدٚ دورون، کوروشٚ پادشا، بابِلٚ معبدٚ جأ بیرون بأورده و بیسپرده اینفرٚ دس، شِیشبَصَّر نام، کی اونَ والی چأکوده‌بو

دانیال 1:2

خوداوند، یِهویاقیم - یهودا اوستانٚ پادشایَ - چن‌تأ ظرفأنٚ موقدّسٚ اَمرأ کی خودا معبدٚ شین بید، نبوکدنصرٚ دس اسیر بوکوده. نبوکدنصر او ظرفأنَ خو اَمرأ بابِلٚ سرزیمینٚ میأن بأورده و اوشأنَ خو خودا خزانه معبدٚ دورون بنَه.

دانیال 5:11

تی مملکتٚ دورون ایتأ مردای ایسَه کی خودایأنٚ موقدّسٚ روحَ دأره. تی پئرٚ سلطنتٚ موقع، بینش، هوش و حکمتی کی خودایأنٚ حکمتٚ مأنستن بو، اونٚ دورون وجود دأشتی. نبوکدنصرٚ پادشا، تی پئر، اونَ جادوگرأن، افسونگرأن، اُسطُرلابچی‌یأن و طالع‌بینأنٚ رئیس چأکوده‌بو،

دانیال 5:13

دانیالَ بأوردیدی پادشا ورجأ. بأزین پادشا دانیالَ وأورسه: «تو هو دانیالی ایسی کی می پیله پئر ترَ یهودا سرزیمینٚ جأ بأورده اَیه اسیری؟

دانیال 5:18

اَی پادشا، خودایٚ موتعال، شیمی پئر نبوکدنصرَ، سلطنت، عظمت، شکوه و جلال ببخشه‌بو.

دانیال 5:23

شومأن ضدٚ خوداوندٚ آسمانأن، خودتأنَ بوجور ببردید و اونٚ خانه ظرفأنَ شِمرِه بأوردیدی اَیه و شیمی پیله آدمأن، زنأکأن و حرمسرا زنأکأنٚ اَمرأ اوشأنٚ دورون شراب بوخوردیدی و خودایأنٚ طلایی، نقره‌یی، برنزی، آهینی، چوبی و سنگی‌یَ کی نه دینیدی، نه ایشنأویدی و نه فهمیدی، پرستش بوکودیدی. ولی خودایی‌یَ کی شیمی نَفَس و کارأن اونٚ دسٚ دورون نهَه، ایحترام ننَه‌ییدی.

دانیال 5:3

پس او طلایی جامأنَ بأوردیدی کی اورشلیمٚ معبدٚ جأ اوسأده بوبوسته‌بید و پادشا، اونٚ پیله آدمأن، اونٚ زنأکأن و حرمسرا زنأکأن اوشأنٚ دورون شراب بوخوردیدی.

دانیال 5:30

هو شب بِلشَصَّر، پادشایٚ کلدانیأن، بوکوشته بوبوسته

دانیال 5:4

هَطویی کی شراب خوردن دیبید، خودایأنی‌یَ کی طلا، نقره، برنز، آهین، چوب و سنگٚ جأ بید، ستایش کودیدی.