دانیال 4:5 - کیتاب مقدّس به گیلکی (رشتی)

⁵ تا اَنکی ایتأ خواب بیدم کی مرَ بترسأنه و هوطویی کی می تختخوابٚ میأن خوفته‌بوم، او رویا فیکرأن مرَ سخت به وحشت تأوده.

دانیال 4:5 ပူးပေါင်းရင်းမြစ်များ

پیدایش 41:1

دو سال بوگوذشته، فرعون خواب بیده کی نیلٚ روخان کنار به پا ایسَه

دانیال 1:7

خواجه‌یأنٚ رئیس اوشأنٚ رِه بابِلی نام بنَه: دانیال - بَلطَشَصَّر، حَنَنیا - شَدرَک، میشائیل - میشَک و عَزَریا - عَبِدنِغو.

دانیال 2:1

نبوکدنصر، خو دوّمی سالٚ سلطنتٚ دورونی، ایتأ خواب بیده کی اونٚ روح و روان، پریشأنَ بوسته و دِه نتأنسته بوخوسه.

دانیال 2:3

پادشا اوشأنَ بوگفته: «ایتأ خواب بیدم کی می روح اونٚ فهمستنٚ وأسی پریشأنه.»

دانیال 4:10

می تختخوابٚ سر رویایأنی بیدم کی زیمینٚ میأن ایتأ پیله دار نهَه.

دانیال 4:13

«هَطو کی می تختخوابٚ میأن رویا دِئن دوبوم، بیدم کی ایتأ نگهبانٚ موقدّس آسمانٚ جأ بیجیر بمو.

دانیال 4:15

ولی اونٚ کونده و ریشه‌یأنَ آهینی و برنجی زنجیلٚ اَمرأ دٚوٚدید و بیابانٚ واشأنٚ دورون خاکٚ رو سرأ دید. ببه کی آسمانٚ ایاز اونَ هیستَ کونه و حیوانأنٚ اَمرأ زندگی بوکونه و علف بوخوره.

دانیال 4:19

بأزین دانیال کی اونَ بَلطَشَصَّرم دوخوأدیدی، مدتی قاقَ بوسته و اونٚ فیکرأن اونَ پریشأنَ کوده. هَنٚ وأسی پادشا دانیالَ بوگفته: «اَی بَلطَشَصَّر، ونأل او خواب و اونٚ تعبیر ترَ پریشأنَ کونه.» بَلطَشَصَّر جواب بدَه: «اَی سرور، آرزو کونم کی اَ خواب شیمی دوشمنأنٚ رِه و اونٚ تعبیر شیمی بدخوأهأنٚ رِه ببه.

دانیال 5:10

وختی شهبانو، پادشا و پیله آدمأنٚ گبأنَ بیشنأوسته، مهمانی تالارٚ دورون بمو و بوگفته: «پادشا تا اَبد زنده بمأنه. اَنقدر دیل‌نیگران نوأ بوستن کی تی رنگ و رو بپره.

دانیال 5:11

تی مملکتٚ دورون ایتأ مردای ایسَه کی خودایأنٚ موقدّسٚ روحَ دأره. تی پئرٚ سلطنتٚ موقع، بینش، هوش و حکمتی کی خودایأنٚ حکمتٚ مأنستن بو، اونٚ دورون وجود دأشتی. نبوکدنصرٚ پادشا، تی پئر، اونَ جادوگرأن، افسونگرأن، اُسطُرلابچی‌یأن و طالع‌بینأنٚ رئیس چأکوده‌بو،

دانیال 7:1

اوّلی سالٚ سلطنتٚ بِلشَصَّر، بابِلٚ پادشا بو کی رختخوابٚ میأن، دانیالٚ سرٚ جأ رویایأنی بوگوذشته و ایتأ خواب بیده. پس خو خوابٚ خولاصه‌یَ اَطویی بینیویشته

دانیال 7:28

«هَن بو خوابی کی من بیدم. من، دانیال، می فیکرأنٚ جأ خیلی پریشأنَ بوستم و می رنگ و رو بپرسته، ولی می خوابَ هیکسَ نوگفتم.»